Sársenbi, 1 mamyr kúni Tbılısı polıııasy ekinshi oqylymnan qabyldanǵan «Sheteldik yqpaldyń ashyqtyǵy týraly» zań jobasyna narazylyq bildirýshilerge qarsy parlament ǵımaratynyń mańynda sý atqyshtar men kózden jas aǵyzatyn shashqyshtar qoldandy, dep habarlaıdy “Adyrna” ulttyq portaly.
«NEWSGEORGIA» Telegram-arnasynyń habarlaýynsha, «shetel agentteri» týraly zańǵa qarsy sherýge qatysýshylar parlamenttiń búıirlik qaqpasyn qoqys jáshikterimen tosqaýyldaǵan. Sherýshilerdiń keıbiri qoqystardy qorshaýdan asyryp tastady. Polıııa sherýshilerge qarsy kózden jas aǵyzatyn spreı men sý atqyshtaryn qoldanǵan.
Buǵan qosa, rastalmaǵan málimetterge qaraǵanda, tártip saqshylary demonstranttarǵa rezeńke oq jaýdyrǵan. Narazylyq bildirgen segiz adam aýrýhanaǵa jatqyzylǵany aıtyldy.
