Ishki ister mınıstri Erjan Sádenov eks-mınıstr Qýandyq Bıshimbaevtyń isi boıynsha egjeı-tegjeıli aqparattardy aıtyp berdi, dep habarlaıdy "Adyrna" ulttyq portaly.
Májilis kýlýarynda IIM basshysy osy is boıynsha tergeýdiń aıaqtalǵanyn jáne ony sotqa jedel tapsyrylatyny jaıly habarlady.
"Is aıaqtaldy, qazir tanysý barysy júrip jatyr, Sodan keıin sotqa jiberiledi. Onda proess kelesideı: jábirlenýshi tarap pen kúdikti tarap tanysady. Proess, meniń oıymsha, is júzinde aıaqtaldy. Tergeý tolyǵymen aıaqtaldy desek bolady, biz tanysqannan qadaǵalaý organy retinde prokýratýraǵa jiberemiz, keıin sheshimdi sot qabyldaıdy jáne sheshedi", - dep jaýap berdi Sádenov jýrnalısterdiń suraqtaryna.
Sot proesi qandaı bolatyny, ashyq nemese jabyq bolatynyn sýdıa sheshedi, dep qosty IIM basshysy.
Sondaı-aq, Erjan Sádenov Bıshimbaevtyń densaýlyq jaǵdaıy jáne ony ustaý sharttary týraly suraqtarǵa jaýap berdi.
"Barlyq qylmyskerlerge birdeı jaǵdaı, sondyqtan da ol qamaýda. Sáıkesinshe, basqalarmen birge. Densaýlyǵy jaqsy", - dedi Sádenov.
