Orta salmaqtaǵy álem chempıony, qazaqstandyq boksshy Jánibek Álimhanuly Astanada ótken boks keshinde IBF reıtıngindegi 7-oryndaǵy franýz Anaýel Ngamıssengeni nokaýtpen jeńdi, dep habarlaıdy "Adyrna" ulttyq portaly.
Birinshi raýndtyń sońynda qazaqstandyq chempıonyń joıqyn soqqysy dál tıip, qarsylasy edenge qulady. Tóreshi nokdaýndy eseptedi. Sodan keıin raýndtyń aıaqtalǵanyn bildiretin gong soǵyldy.
Úshinshi raýndqa qaraı rıngtegi jaǵdaı teńesip, Ngamıssenge birneshe qaýipti qarymta shabýyldar jasady.
Alaıda besinshi raýndta jeńilis kórmegenqazaqstandyq chempıon Álimhanuly qarsylasyn túbegeıli nokaýtqa jiberdi. Bul jeńis boksshynyń kásipqoı mansabyndaǵy 17-shi jeńisi boldy.
Memleket basshysy kásipqoı boksshy Jánibek Álimhanulyn orta salmaqta WBO jáne IBF tujyrymdary boıynsha chempıondyq belbeýlerin sátti qorǵaýymen quttyqtady.
Qasym-Jomart Toqaev sportshynyń joǵary deńgeıdegi sheberligi men tabandylyǵy, týǵan jerimizde el namysyn abyroımen qorǵaýy barshamyz úshin zor maqtanysh ekenin atap ótti.
Prezıdent Jánibektiń budan da úlken jeńisterge jete berýine tilektestik bildirdi.
