Ázerbaıjan prezıdenti Ilham Álıev ázerbaıjandyqtardyń Aqtaý mańynda apatqa ushyrap, qaza bolýyna Reseı Federaııasynyń ókilderi kináli ekenin málimdedi. Bul týraly ol 6 qańtarda Embraer 190 jolaýshylar ushaǵy ekıpajynyń qaza bolǵan músheleriniń otbasymen jáne aman qalǵan bortseriktermen kezdesý barysynda aıtty, dep habarlaıdy «Adyrna» tilshisi.
«Otandastyrymyzdyń qaza tabýyna Reseı Federaııasynyń ókilderi kináli dep tolyq senimmen aıta alamyn. Biz ádildikti, kinálilerdi jazalaýdy, sondaı-aq ashyqtyq pen adamı qarym-qatynasty talap etemiz»,—dedi ol.
Prezıdent qazirgi tańda qara jáshikti dekodtaý proesi júrip jatqanyn atap ótti.
«Jaqyn arada aldyn ala nátıje belgili bolyp, barlyq jaǵdaı óz ornyna keledi. Qaıǵyly oqıǵanyń jaı-japsary anyqtalady. Bul, árıne, osy tragedııanyń tolyq tergeýi men kinálilerdi jazalaýda mańyzdy sát bolady», - dep tolyqtyrdy Álıev.
Buǵan deıin Reseı prezıdenti Vladımır Pýtın Ázerbaıjan prezıdenti Ilham Álıevke telefon soǵyp, Groznyı ústinde zymyran jaryqshaqtary tıip, Aqtaýda apatqa ushyraǵan ushaq úshin keshirim suraǵan bolatyn.
Aıta keteıik, ushaq 25 jeltoqsanda Aqtaý mańynda apatqa ushyraǵan edi. Ushaqta barlyǵy 67 jolaýshy, onyń ishinde 6 qazaqstandyq bolǵan. Áýe apatynan 29 adam aman qaldy. 29 jeltoqsanda qaza bolǵan ázerbaıjandyqtardyń denesi elderine jetkizildi.
