Májilis depýtaty, «AMANAT» partııasy frakııasynyń múshesi Gúldara Nýrýmova Baızaq aýdany Qyzyl Juldyz aýylyndaǵy jańa dárigerlik ambýlatorııanyń jumysymen tanysty.
60 emdelýshige arnalǵan medıınalyq mekeme «AMANAT» partııasynyń saılaýaldy baǵdarlamasy aıasynda salynǵan. Munda 3 dáriger, 13 orta medıına qyzmetkeri jáne bir psıholog jumys isteıdi. Atalǵan ambýlatorııa aýyldaǵy 5 myńǵa jýyq turǵynǵa qyzmet kórsetedi.
Gúldara Nurymova aýyldaǵy dáriger tapshylyǵy máselesin sheshý úshin aýyldy jerlerge kóship kelgen mamandarǵa 100 AEK kóleminde kóterme járdemaqy tólenetinin atap ótti. Densaýlyq saqtaý máseleleri jónindegi zańǵa engizilgen bul norma «AMANAT» partııasynyń saılaýaldy baǵdarlamasynda qamtylǵan.
– Memleket densaýlyq saqtaý salasyna únemi erekshe kóńil bóledi. Bıyl dárigerlerdi qorǵaýǵa, olardyń mártebesin kóterýge baǵyttalǵan sapaly jańa zań kúshine endi. Birqatar áleýmettik kepildikter engizilip, quqyqtyq qorǵaý kúsheıtildi. Atap aıtqanda, mektepke deıingi uıymdarda medıına qyzmetkerleriniń balalaryna birinshi kezekte oryn beriledi, basy artyq esep berý máselesi qysqartylady, dárigerlerdiń kásibı jaýapkershiligi saqtandyrylady jáne basqa da ózgerister bar. Medıınalyq joǵary oqý oryndarynyń jas túlekteri olardyń kómegi adamdarǵa shynymen de qajet ekenin jáne memleket tarapynan jasalatyn qoldaý sharalary dál osyǵan baǵyttalǵanyn anyq túsinýge tıis, – dedi depýtat.
Aıta keteıik, byltyr Jambyl oblysynda partııanyń saılaýaldy baǵdarlamasyn júzege asyrý aıasynda 20 medıınalyq nysan paıdalanýǵa berilip, eki emhanaǵa kúrdeli jóndeý jumysy júrgizildi. 18 birlik medıınalyq dıagnostıkalyq tehnıka (tomograftar, ÝDZ apparattary jáne t.b.), 38 sanıtarlyq kólik satyp alyndy. Bul qadamdar erte dıagnostıkany jaqsartýǵa, jedel járdem jumysynyń sapasyn jáne aýyldy jerlerde medıınalyq qyzmettiń qoljetimdiligin arttyrýǵa múmkindik berdi.
Bıyl óńirde partııanyń saılaýaldy baǵdarlamasy aıasynda Baızaq, Qordaı jáne Sarysý aýdandaryndaǵy aýdandyq aýrýhanalardy qosa alǵanda, 7 medıınalyq nysannyń qurylys jumysy bastalady. Sondaı-aq Tarazda týberkýlezben jáne ókpeniń ózge de aýrýlarymen aýyratyn balalarǵa arnalǵan perınataldyq ortalyq, jedel medıınalyq járdem stanııasyn jáne mamandandyrylǵan sanatorıı ashý josparlanyp otyr.
Eske sala keteıik, 5 qańtarda Májilis depýtattarynyń óńirlerge jumys sapary bastaldy. Depýtattar óndiristik jáne áleýmettik nysandardy aralap, eńbek ujymdarynda kezdesýler ótkizip, azamattardy jeke máseleleri boıynsha qabyldaıdy. Sonymen qatar olar saılaýshylarǵa qabyldanǵan zańnamalyq ózgerister týraly aqparat berip, máselelerin tyńdaıdy. Óńirlerde saılaýshylar kótergen eń ózekti máselelerdi sheshý Májilistiń jalpy otyrystarynyń birinde Úkimetpen birlesip qaralatyn bolady.
