Búgin, 6 qańtarda Túrkistan oblysyna jańa ákim taǵaıyndaldy. Bul týraly Aqordanyń baspasóz qyzmeti aıtty, dep habarlaıdy «Adyrna» tilshisi.
«Memleket basshysynyń Jarlyǵymen Nuralhan Oralbaıuly Kósherov Túrkistan oblysynyń ákimi laýazymyna taǵaıyndaldy»,—delingen habarlamada.
Buǵan deıin bul qyzmetti Darhan Satybaldy atqarǵan bolatyn.
Nuralhan Kósherov 1984 jyly Shymkent qalasynda dúnıege kelgen. Bilimi joǵary. M.Áýezov atyndaǵy Ońtústik-Qazaqstan memlekettik ýnıversıteti, Qazaq gýmanıtarlyq zań ýnıversıteti, Máskeýdegi Reseı Federaııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasy joǵary bilim beretin memlekettik bıýdjettik bilim berý mekemesinde bilim alǵan.
Eńbek jolyn 2008 jyly Parlament Májilisi depýtatynyń kómekshisi bolyp bastady. 2009-2011 jyldary Qarjy mınıstrliginiń Salyq komıtetinde taldaýshy, Astana qalasy Salyq departamentiniń Almaly aýdany boıynsha salyq basqarmasynyń zańdy tulǵalardyń salyq aýdıti bóliminiń bas mamany bolyp eńbek etti.
2010-2014 jyldar aralyǵynda Astana qalasynyń Salyq departamenti Esil aýdanynyń salyq basqarmasy bastyǵynyń orynbasary qyzmetin atqardy.
2014 jyldan 2015 jylǵa deıin Astana qalasy Esil aýdany boıynsha Memlekettik kirister basqarmasynyń bastyǵy, Qarjy mınıstrligi Salyq komıtetiniń Astana qalasy boıynsha Salyq departamenti basshysynyń orynbasary boldy.
2015-2018 jyldary Shymkent qalasy ákiminiń orynbasary, 2018-2021 jyldary QR Qarjy mınıstrliginiń Memlekettik kirister komıteti Mańǵystaý oblysy boıynsha Memlekettik kirister departamentiniń Aqtaý qalasy boıynsha Memlekettik kirister basqarmasynyń basshysy, QR Qarjy mınıstriginiń Memlekettik kirister komıteti Shymkent qalasy boıynsha Memlekettik kirister departamentiniń basshysy laýyzymdaryn eńbek etti.
2021-2023 jyldary Qazaqstan Respýblıkasy Qarjy mınıstrliginiń Memlekettik kirister komıteti Atyraý oblysy boıynsha Memlekettik kirister departamentiniń basshysy qyzmetin atqaryp keldi.
2023 jyldan búgingi kúnge deıin Túrkistan oblysy ákiminiń orynbasary qyzmetin atqaryp keldi.
