15 jeltoqsan kúni Talǵar qalasynda ákim saılaýy ótti. Saılaý qorytyndysy boıynsha Arystanbek Ábilqaıyruly Talǵar qalasynyń ákimi bolyp saılandy, dep habarlaıdy «Adyrna» tilshisi.
Ákimdiktiń málimetinshe, daýys berýge 12 875 saılaýshy qatysqan.
«Arystanbek Ábilqaıyruly úshin saılaýshylardyń 9071 daýysy berildi. Al Jánibek Kádenov 1 875, Álibek Ramazanov 1 140 daýys jınady. 182 saılaýshy barlyǵyna qarsy daýys berdi»,— delingen habarlamada.
Arystanbek Ábilqaıyruly 1983 jyly dúnıege kelgen. «Talǵar Turǵyn úı» JShS dırektory, Talǵar qalasynyń turǵyny. Ol Amanat partııasynyń atynan usynylǵan bolatyn.
Eske salaıyq, qalanyń burynǵy basshysy Baqyt Kúrishbekov 16 jastaǵy Sherzat Polattyń óliminen keıin qyzmetinen bosatylǵan edi.
Buǵan deıin qala boıynsha ákimdikke 9 úmitker tirkelgen bolatyn. Alaıda olardyń ekeýi talapqa saı kelmese, qalǵan tórteýi keıin óz kandıdatýrasyn alyp tastady.
