Aqtaý qalasynyń mańynda bolǵan ushaq apatyn sýretke túsirgen jergilikti bloger Azamat Sársenbaev 5 qańtarda bostandyqqa shyqty, dep habarlaıdy «Adyrna» tilshisi.
Er adamdy sot ákimshilik ispen on kúnge qamady.
«Er adamnyń basynan ne ótpeıdi? Úıden 150 shaqyrym alysta 10 kún oqshaý jatyp, basymnan osy oı ketpedi. Shynymdy aıtsam, mundaı nárse basymnan ótkenine de rızamyn. Jalpy, dostar, kóp nárse jazǵym keledi. Shyńdaldym, myqtyraq bolyp, óz ustanymymdy odan saıyn bekemdedim. Aıtarym kóp»,—dep jazdy bloger áleýmettik jelidegi paraqshasynda.
25 jeltoqsanda Aqtaýda ushaq apatqa ushyraǵan jerdi túsirgen bloger ustalǵany belgili bolǵan edi. Bloger bul týraly Instagram jelisinde jazǵan bolatyn. Mańǵystaý oblysynyń polıııa departamenti «Sársenbaev qoǵamdyq tártipti buzǵany úshin ustaldy» degen málimdeme jasady.
Aıta keteıik, 5 qańtarda
ushaq apatynyń saldaryn joıýǵa qatysqandar memlekettik nagradalarmen marapattalǵan bolatyn.
