Búgin Jezqazǵan jáne Sátbaev qalalarynda 320 oryndyq jańa balabaqshalar ashylyp, aımaqtaǵy mektepke deıingi bilim berý sapasyn arttyrý baǵytynda mańyzdy qadam jasaldy. Bul balabaqshalar zamanaýı standarttarǵa saı jabdyqtalǵan jáne balalardyń qaýipsiz ári qolaıly ortada tárbıelenýine múmkindik beredi.
Ashylý saltanatyna Ulytaý oblysynyń ákimi Dastan Ryspekov, oblystyq máslıhattyń tóraǵasy Baýyrjan Shyńǵysov, QR Sybaılas jemqorlyqqa qarsy is-qımyl agenttiginiń Ulytaý oblysy boıynsha departamentiniń basshysy Erlan Joldybaev jáne ustazdar men ata-analar qatysty. Óńir basshysy atqarylyp jatqan ıgi jumystardy uly akademıktiń 125 jyldyǵynda oryn alǵan sátti qadamdardyń biri ekenin atap ótti.
Sonymen qatar kenshiler qalasynda kópten kútken Oqýshylar saraıynyń ashylý saltanaty ótti. Balalar men jasóspirimderdiń shyǵarmashylyq qabiletterin damytýǵa arnalǵan ortalyqta qazirdiń ózinde 1000-nan astam oqýshy úıirmege jazylǵan. Bul saraı balalardyń ǵylym, óner, sport jáne zamanaýı tehnologııalardy meńgerýine jol ashatyn jańa múmkindikterdi usynady.
Saltanatty rásimnen keıin Ulytaý oblysynyń ákimi Sátbaev qalasynda «Qazaqmys» korporaııasymen memorandým aıasynda kúrdeli jóndeýden ótken «Aqbota» balabaqshasynyń jumys barysyn qadaǵalady. Bóbekjaı 60 jylǵa jýyq ýaqyttan keıin tuńǵysh ret tolyqtaı jańartyldy.
Sonymen qatar búgin ulttyq joba aıasynda Ulytaý oblysynda tuńǵysh «Jaıly mekteptiń» ashylý saltanaty ótti. 300 oryndyq bilim oshaǵy Qabanbaı batyr shaǵynaýdanynda ornalasqan. Óńir basshysy shaǵynaýdan oqýshylarynyń endi Jezqazǵan qalasyna qatynaýǵa májbúr bolmaıtyndyǵyn atap ótip, bilim alýshylarǵa sáttilik tiledi. Eki qabatty keń ǵımaratta zamanaýı synyptar, zerthanalar, sport jáne óner zaldary qarastyrylǵan, sonymen qatar oqytý proesine zamanaýı ıfrlyq tehnologııalar engizilgen.
