Jetisý oblysy qurylǵannan beri jóndeý men jańa qurylys júrgizýdiń arqasynda obektilerdi jańartý 50%-ǵa jetti. Mysaly, bilim berý salasynda 5310 oryndy 15 jańa mektep paıdalanýǵa berilip, 19 nysan kúrdeli jóndeýden ótti. Al densaýlyq saqtaý salasynda 98 nysan iske qosyldy. Bul týraly búgin QR Prezıdenti janyndaǵy Ortalyq kommýnıkaııalar qyzmeti alańynda ótken brıfıng barysynda Jetisý oblysynyń ákimi Beıbit Isabaev aıtty, - dep habarlaıdy Jetisý oblysy ákiminiń baspasóz qyzmeti.
Beıbit Isabaev óz baıandamasynda áleýmettik ınfraqurylymdardy jaqsartýdyń jaı-kúıine toqtaldy. Onyń aıtýynsha, «Jaıly mektep» ulttyq jobasynyń aıasynda 2023 jyly bastalǵan 1800 oryndy 2 mekteptiń bireýi bıyl qoldanysqa berilse, ekinshisiniń qurylysy kelesi jyly da jalǵasady. Jalpy 2025 jyly 7 mektep salý josparlanǵan. Sonyń nátıjesinde jóndeýge jatatyn 95 mekteptiń 38-i nemese 40%-y jańartylady.
Al densaýlyq saqtaý salasynda sońǵy úsh jylda 98 nysan paıdalanýǵa berilse, sonyń 31-i jańadan salynǵan, 61 blokty-modýldi medıınalyq keshender ornatylyp, 6 nysan kúrdeli jóndeýden ótti. Bıylǵy jyldyń ózinde 51 nysan boı kótergen, sonyń 25-i jańa qurylys, 26-sy – blokty-modýldi konstrýkııa.
– Aıta ketý kerek, bizdiń oblys blokty-modýldi medıınalyq keshenderdi ornatý tájirıbesin alǵashqylardyń biri bolyp keńinen qoldana bastady. Kelesi jyly taǵy 69 nysandy qoldanysqa berý josparlanýda. Qabyldanǵan sharalardyń nátıjesinde oblysta jóndeýge jatatyn 292 densaýlyq saqtaý nysanynyń 167-i nemese 57,2% jańartylady, - dedi B. Isabaev.
Mádenıet salasynda 2022-2024 jyldary 12 mádenıet úıi paıdalanýǵa berilip, 10 nysan kúrdeli jóndeýden ótken. Kelesi jyly taǵy 7 nysan paıdalanýǵa berilip, jańarý deńgeıi 33,3%-ǵa jetedi.
Al sport salasyna kelsek, oblys ákiminiń málimetinshe, dene shynyqtyrý-saýyqtyrý keshenderi, sport keshenderi, kúres zaldary, stadıon sııaqty jalpy 18 nysan iske qosylyp, 10 blokty-modýldi sport kesheni ornatyldy. Sonymen qatar Taldyqorǵanda Qazaqstanda balamasy joq «Jetisý» voleıbol ortalyǵy jáne ınvestor esebinen sportshylarǵa arnap salynǵan tórt qabatty turǵyn úı paıdalanýǵa berildi. Oǵan qosa jaqynda ınvestordyń qarjysyna Ústel tennısi ortalyǵy ashyldy.
- Sonyń nátıjesinde nysandardyń 74,4% jańartylyp, halyqty sporttyq ınfraqurylymmen qamtamasyz etý 1000 adamǵa shaqqanda 64%-ǵa jetti, - dedi óz sózinde oblys ákimi.
