27 qarasha kúni áleýmettik jelide Astanadaǵy LED ekrandardyń birinde Reseı týynyń ornyna Ýkraına týynyń kórsetilgen vıdeosy úlken rezonans týdyrdy, dep habarlaıdy “Adyrna” ulttyq portaly.
IIM oqıǵaǵa qatysty qylmystyq is qozǵaǵanyn habarlady.
Mınıstrliktiń málimetinshe, «Kerýen Medıa» JShS-na qatysty tergeý jumystary bastalǵan. Qazirgi ýaqytta oqıǵanyń barlyq yqtımal nusqalary qarastyrylyp jatyr. Aldyn ala boljam boıynsha, oqıǵaǵanyń sebebi ıehnıkalyq aqaýlar men jabdyq jumysyna syrttan zańsyz aralasý múmkindigi.
“Qylmystyq is qozǵaldy. Barlyq mán-jaılar anyqtalýda. Zańsyz áreketke barǵandar jaýapqa tartylady”, – delingen mınıstrlik málimdemesinde.
Bul oqıǵa áleýmettik jelide qyzý talqyǵa túsip, túrli pikirler týǵyzdy. Quzyrly organdar tergeý nátıjelerin aldaǵy ýaqytta habarlamaq.
Aıta keteıik, Astanada Reseı týynyń túsi Ýkraına týynyń túsine ózgergenin «kabeldiń tuıyqtalýy» arqyly túsindirilgen edi.
