Ózbekstannyń syrtqy ister mınıstrligi Birikken Arab Ámirlikterinde ravvın vı Kogannyń qaza bolýyna baılanysty Izraılge kóńil aıtty, dep habarlaıdy "Adyrna" ulttyq portaly fergana.agency-ge silteme jasap.
Bul týraly Ózbekstannyń syrtqy ister mınıstri Bahtııor Saıdov óziniń Telegram-arnasynda habarlady.
Mınıstr 26 qarasha kúni Ózbekstandaǵy Izraıl elshisi Gıdeon Lıýstıgpen kezdesý ótkizip, kóńil aıtýdy jeke ózi jetkizgenin málimdedi. Saıdovtyń aıtýynsha, Ózbekstan halqy árdaıym túrli din ókilderi men ulttarǵa dostyq nıet tanytyp keledi.
"Biz eshqashan ultshyldyqtyń eshbir túrine tózgen emespiz jáne tózbeımiz. Terrorızm men ekstremızmniń shekarasy da, ulty da bolmaıdy", — dep jazdy mınıstr.
Saıdovtyń aıtýynsha, Ózbekstan úkimeti OAE jáne Izraıl bıligimen ravvınniń ólimine qatysty tergeý jumystarynda tyǵyz baılanys ornatýda.
25 qarasha kúni BAÁ Ishki ister mınıstrligi birneshe kún buryn urlanǵan ravvın vı Kogannyń denesi tabylǵanyn habarlady. Jedel áreket etý nátıjesinde qylmysqa kúdikti retinde Ózbekstannyń úsh azamaty ustaldy. Olardyń ekeýi 28 jasta, al bireýi 33 jasta.
Keıbir aqparat quraldarynyń málimetinshe, kúdiktiler Túrkııaǵa qashyp ketýdi josparlaǵan. Biraq quqyq qorǵaý organdary olardyń elden shyǵýyna jol bermedi. BAÁ zańdary boıynsha mundaı qatygez qylmys jasaǵany úshin ólim jazasy qarastyrylǵan.
