Almaty qalasy sońǵy jyldary buqaralyq sport pen mádenıet salasynda qarqyndy damyp keledi. Bul baǵyttar qala turǵyndarynyń densaýlyǵyn nyǵaıtyp, rýhanı qundylyqtaryn baıytýǵa úles qosýda. Aýqymdy is-sharalar men memlekettik baǵdarlamalar sheńberinde iske asyrylyp jatqan jumystar qala ómiriniń sapasyn arttyryp, turǵyndardyń bos ýaqytyn tıimdi ótkizýge yqpal etip keledi.
Máselen, 2022 jyly Almatyda 200-den astam sporttyq shara uıymdastyrylyp, olarǵa 250 myńnan asa adam qatysty. Bul kórsetkish 2023 jyly 10%-ǵa ósip, qatysýshylar sany 275 myńǵa jetti. Túrli sporttyq týrnırler, jarystar jáne spartakıadalar mektep oqýshylary men stýdentterden bastap, egde jastaǵy azamattarǵa deıin qyzyǵýshylyq týdyryp otyr. Sonymen qatar, 2022 jyly qalada 20 jańa sport alańy ashylsa, 2023 jyly olardyń sany 25-ke kóbeıdi. 2024 jyly da birneshe jańa nysannyń ashylýy josparlanǵan, bul turǵyndarǵa tegin jáne qoljetimdi sportpen aınalysý múmkindigin arttyrýda.
Almatynyń mádenıet salasy da erekshe qarqynmen damyp jatyr. 2022 jyly qalada 100-den astam mádenı shara ótkizilse, 2023 jyly bul kórsetkish 120-ǵa jetti. 2024 jyly da 130-dan astam mádenı is-shara ótkizý josparlanǵan. Teatr qoıylymdary, konertter, kórmeler jáne ulttyq merekelerge arnalǵan is-sharalar qala turǵyndarynyń mádenıetke degen qyzyǵýshylyǵyn oıatyp, rýhanı turǵyda baıytýda.
Búginde jastarymyz ár kún saıyn teatr, kitaphana, túrli mádenı sharalarǵa barýǵa asyq. Áleýmettik jeliden de Almatydaǵy teatrlar, parkter, arnaıy is-sharalardyń qanshalyqty jıi ótip jatqanyn kórýge bolady. Mundaı ıgi bastamalar qala turǵyndarynyń da kóńilinen shyqqanyn baıqaı alamyz.
Sondaı-aq, sport pen mádenıetke degen qyzyǵýshylyqty arttyrý úshin qala ákimdigi arnaıy baǵdarlamalar júzege asyrýda. 2023 jyly iske qosylǵan «Salaýatty Almaty» baǵdarlamasy qala turǵyndaryna sporttyq jattyǵýlar men master-klastarǵa tegin qatysý múmkindigin usyndy. Bul baǵdarlama aıasynda túrli sporttyq akııalar da uıymdastyrylyp, turǵyndardyń densaýlyqqa degen kózqarasyn oń ózgertip keledi.
Almatynyń sport ınfraqurylymy da erekshe damyǵan. Almaty Arena, Halyq Arena, Medeý muz aıdyny, Shymbulaq taý-shańǵy kýrorty, Ortalyq stadıon sııaqty zamanaýı nysandar halyqaralyq deńgeıdegi sport sharalaryn qabyldaýǵa daıyn. Mysaly, 2023 jyly Almatyda alǵashqy ret Almaty Open atty halyqaralyq tennıs týrnıri ótkizildi. Jeńimpaz Karen Hachanovtyń alǵashqy jattyqtyrýshysy almatylyq maman Igor Bıenko boldy. Sonymen qatar, Almaty sportshylary Parıj Olımpıadasynda da joǵary nátıjeler kórsetti.
Sporttyq is-sharalarǵa baılanysty qala turǵyndarynyń arasynda saýalnama júrgizdik. Tolyq jaýap bergen 10 adamnyń jeteýi Almatyda ótetin túrli marafondar, jarystarǵa jıi qatysyp, belsendi bolatynyn aıtty. Al eki adam qalada ótip jatqan sharalar týraly áleýmettik jeliden kóretinin aıtty. Osy arqyly qalamyzda sporttyq sharalar, mádenı merekelerdiń damyp jatqanyn kórýge bolady.
Almatynyń jastar qaýymy sport jáne mádenıet salasynda erekshe belsendi. Olar teatrlar men mýzeılerge jıi baryp, túrli sporttyq saıystarǵa qatysady. Qala ákimdigi de jastardyń bastamalaryn qoldap, olarǵa arnaıy granttar men baıqaýlar uıymdastyrýda. Osylaısha, Almaty jastary salaýatty ómir saltyn ustanyp, mádenıetke jaqyn bolý arqyly óz bolashaǵyn damytyp keledi. Sport súıer qaýymnyń biri – Raýan. Raýan Mýtaır fýtbol matchtaryn úzbeı qarap, marafondardy jıi baqylaıdy.
«Almatyda sport salasy aıtarlyqtaı qarqynmen damyp keledi dep aıtýǵa negiz bar. Sońǵy jyldary qalada kóptegen halyqaralyq jáne respýblıkalyq sport sharalary uıymdastyryldy. Máselen, Almatyda bıyl tuńǵysh ret tennısten halyqaralyq Almaty Open týrnıri ótti, onda álemniń úzdik tennısshileri óner kórsetti. Al osy týrnırdiń jeńimpaz atanǵan Karen Hachanov reseılik tennısshi bolsada alǵashqy bapkeri almatylyq maman Igor Bıenko. Sonymen qatar, Parıj Olımpıadasynda júldeli oryndar alǵan sportshylardyń basym bóligi almatylyqtar boldy. Mysaly, Nazym Qyzaıbaı, Islam Sátpaev, Aleksandra Le, Narıman Kýrbanov jáne Ǵusman Qyrǵyzbaev sekildi sportshylar Qazaqstannyń atyn álemge tanytty. Fýtbol salasynda da Almatynyń jetistigi zor. Qaırat fýtbol akademııasy Qazaqstandaǵy úzdik bolyp sanalady, jastar arasynda barlyq jas sanatynda júldeli oryn alady, al bas komandasy bıyl chempıondyqqa úmitker. Qazaqstan ulttyq quramasynda osy akademııanyń túlekteri kóptep kezdesedi. Sondaı-aq, fýtzaldan Qaırat klýby ÝEFA Chempıondar Lıgasynyń elıtalyq kezeńine qatysyp, jaqsy nátıjeler kórsetip jatyr. Jaqynda ÝEFA oıyndary Almatyda Balýan sholaq saraıynda ótkenin aıta keteıik. Almatynyń sport ınfraqurylymy da joǵary deńgeıde damyǵan. Almaty Arena, Halyq Arena, Medeý muz aıdyny, Shymbulaq taý-shańǵy kýrorty, Ortalyq stadıon, Balýan Sholaq atyndaǵy sport saraıy – munyń bári álemdik deńgeıdegi sport sharalaryn qabyldaýǵa daıyn nysandar. Qysqy sport túrleri úshin de Almaty óte qolaıly qala sanalady. Taý-shańǵy sportyna qajetti tabıǵı jáne jasandy ınfraqurylymdary arqyly Almaty elimizdiń sporttyq ortalyǵy bolyp tur. Budan bólek, Shymbulaq TMD elderi arasynda eń úzdik taý-shańǵy kýrorty atandy», - deıdi Raýan.
Mundaı bastamalar qalanyń áleýmettik ómiriniń sapasyn kóterip, ekologııanyń jaqsarýyna yqpal etýde. Almaty halqynyń densaýlyǵy men mádenıetti damytýǵa baǵyttalǵan bul jobalar qalany densaýlyq pen rýhanııattyń ordasyna aınaldyrý jolynda mańyzdy ról atqarmaq.
