الماتى قالاسى سوڭعى جىلدارى بۇقارالىق سپورت پەن مادەنيەت سالاسىندا قارقىندى دامىپ كەلەدى. بۇل باعىتتار قالا تۇرعىندارىنىڭ دەنساۋلىعىن نىعايتىپ، رۋحاني قۇندىلىقتارىن بايىتۋعا ۇلەس قوسۋدا. اۋقىمدى ءىس-شارالار مەن مەملەكەتتىك باعدارلامالار شەڭبەرىندە ىسكە اسىرىلىپ جاتقان جۇمىستار قالا ءومىرىنىڭ ساپاسىن ارتتىرىپ، تۇرعىنداردىڭ بوس ۋاقىتىن ءتيىمدى وتكىزۋگە ىقپال ەتىپ كەلەدى.
ماسەلەن، 2022 جىلى الماتىدا 200-دەن استام سپورتتىق شارا ۇيىمداستىرىلىپ، ولارعا 250 مىڭنان اسا ادام قاتىستى. بۇل كورسەتكىش 2023 جىلى 10%-عا ءوسىپ، قاتىسۋشىلار سانى 275 مىڭعا جەتتى. ءتۇرلى سپورتتىق تۋرنيرلەر، جارىستار جانە سپارتاكيادالار مەكتەپ وقۋشىلارى مەن ستۋدەنتتەردەن باستاپ، ەگدە جاستاعى ازاماتتارعا دەيىن قىزىعۋشىلىق تۋدىرىپ وتىر. سونىمەن قاتار، 2022 جىلى قالادا 20 جاڭا سپورت الاڭى اشىلسا، 2023 جىلى ولاردىڭ سانى 25-كە كوبەيدى. 2024 جىلى دا بىرنەشە جاڭا نىساننىڭ اشىلۋى جوسپارلانعان، بۇل تۇرعىندارعا تەگىن جانە قولجەتىمدى سپورتپەن اينالىسۋ مۇمكىندىگىن ارتتىرۋدا.
الماتىنىڭ مادەنيەت سالاسى دا ەرەكشە قارقىنمەن دامىپ جاتىر. 2022 جىلى قالادا 100-دەن استام مادەني شارا وتكىزىلسە، 2023 جىلى بۇل كورسەتكىش 120-عا جەتتى. 2024 جىلى دا 130-دان استام مادەني ءىس-شارا وتكىزۋ جوسپارلانعان. تەاتر قويىلىمدارى، كونتسەرتتەر، كورمەلەر جانە ۇلتتىق مەرەكەلەرگە ارنالعان ءىس-شارالار قالا تۇرعىندارىنىڭ مادەنيەتكە دەگەن قىزىعۋشىلىعىن وياتىپ، رۋحاني تۇرعىدا بايىتۋدا.
بۇگىندە جاستارىمىز ءار كۇن سايىن تەاتر، كىتاپحانا، ءتۇرلى مادەني شارالارعا بارۋعا اسىق. الەۋمەتتىك جەلىدەن دە الماتىداعى تەاترلار، پاركتەر، ارنايى ءىس-شارالاردىڭ قانشالىقتى ءجيى ءوتىپ جاتقانىن كورۋگە بولادى. مۇنداي يگى باستامالار قالا تۇرعىندارىنىڭ دا كوڭىلىنەن شىققانىن بايقاي الامىز.
سونداي-اق، سپورت پەن مادەنيەتكە دەگەن قىزىعۋشىلىقتى ارتتىرۋ ءۇشىن قالا اكىمدىگى ارنايى باعدارلامالار جۇزەگە اسىرۋدا. 2023 جىلى ىسكە قوسىلعان «سالاۋاتتى الماتى» باعدارلاماسى قالا تۇرعىندارىنا سپورتتىق جاتتىعۋلار مەن ماستەر-كلاستارعا تەگىن قاتىسۋ مۇمكىندىگىن ۇسىندى. بۇل باعدارلاما اياسىندا ءتۇرلى سپورتتىق اكتسيالار دا ۇيىمداستىرىلىپ، تۇرعىنداردىڭ دەنساۋلىققا دەگەن كوزقاراسىن وڭ وزگەرتىپ كەلەدى.
الماتىنىڭ سپورت ينفراقۇرىلىمى دا ەرەكشە دامىعان. الماتى ارەنا، حالىق ارەنا، مەدەۋ مۇز ايدىنى، شىمبۇلاق تاۋ-شاڭعى كۋرورتى، ورتالىق ستاديون سياقتى زاماناۋي نىساندار حالىقارالىق دەڭگەيدەگى سپورت شارالارىن قابىلداۋعا دايىن. مىسالى، 2023 جىلى الماتىدا العاشقى رەت Almaty Open اتتى حالىقارالىق تەننيس ءتۋرنيرى وتكىزىلدى. جەڭىمپاز كارەن حاچانوۆتىڭ العاشقى جاتتىقتىرۋشىسى الماتىلىق مامان يگور بيتسەنكو بولدى. سونىمەن قاتار، الماتى سپورتشىلارى پاريج وليمپياداسىندا دا جوعارى ناتيجەلەر كورسەتتى.
سپورتتىق ءىس-شارالارعا بايلانىستى قالا تۇرعىندارىنىڭ اراسىندا ساۋالناما جۇرگىزدىك. تولىق جاۋاپ بەرگەن 10 ادامنىڭ جەتەۋى الماتىدا وتەتىن ءتۇرلى مارافوندار، جارىستارعا ءجيى قاتىسىپ، بەلسەندى بولاتىنىن ايتتى. ال ەكى ادام قالادا ءوتىپ جاتقان شارالار تۋرالى الەۋمەتتىك جەلىدەن كورەتىنىن ايتتى. وسى ارقىلى قالامىزدا سپورتتىق شارالار، مادەني مەرەكەلەردىڭ دامىپ جاتقانىن كورۋگە بولادى.
الماتىنىڭ جاستار قاۋىمى سپورت جانە مادەنيەت سالاسىندا ەرەكشە بەلسەندى. ولار تەاترلار مەن مۋزەيلەرگە ءجيى بارىپ، ءتۇرلى سپورتتىق سايىستارعا قاتىسادى. قالا اكىمدىگى دە جاستاردىڭ باستامالارىن قولداپ، ولارعا ارنايى گرانتتار مەن بايقاۋلار ۇيىمداستىرۋدا. وسىلايشا، الماتى جاستارى سالاۋاتتى ءومىر سالتىن ۇستانىپ، مادەنيەتكە جاقىن بولۋ ارقىلى ءوز بولاشاعىن دامىتىپ كەلەدى. سپورت سۇيەر قاۋىمنىڭ ءبىرى – راۋان. راۋان مۋتاير فۋتبول ماتچتارىن ۇزبەي قاراپ، مارافونداردى ءجيى باقىلايدى.
«الماتىدا سپورت سالاسى ايتارلىقتاي قارقىنمەن دامىپ كەلەدى دەپ ايتۋعا نەگىز بار. سوڭعى جىلدارى قالادا كوپتەگەن حالىقارالىق جانە رەسپۋبليكالىق سپورت شارالارى ۇيىمداستىرىلدى. ماسەلەن، الماتىدا بيىل تۇڭعىش رەت تەننيستەن حالىقارالىق Almaty Open ءتۋرنيرى ءوتتى، وندا الەمنىڭ ۇزدىك تەننيسشىلەرى ونەر كورسەتتى. ال وسى ءتۋرنيردىڭ جەڭىمپاز اتانعان كارەن حاچانوۆ رەسەيلىك تەننيسشى بولسادا العاشقى باپكەرى الماتىلىق مامان يگور بيتسەنكو. سونىمەن قاتار، پاريج وليمپياداسىندا جۇلدەلى ورىندار العان سپورتشىلاردىڭ باسىم بولىگى الماتىلىقتار بولدى. مىسالى، نازىم قىزايباي، يسلام ساتپاەۆ، الەكساندرا لە، ناريمان كۋربانوۆ جانە عۇسمان قىرعىزباەۆ سەكىلدى سپورتشىلار قازاقستاننىڭ اتىن الەمگە تانىتتى. فۋتبول سالاسىندا دا الماتىنىڭ جەتىستىگى زور. قايرات فۋتبول اكادەمياسى قازاقستانداعى ۇزدىك بولىپ سانالادى، جاستار اراسىندا بارلىق جاس ساناتىندا جۇلدەلى ورىن الادى، ال باس كومانداسى بيىل چەمپيوندىققا ۇمىتكەر. قازاقستان ۇلتتىق قۇراماسىندا وسى اكادەميانىڭ تۇلەكتەرى كوپتەپ كەزدەسەدى. سونداي-اق، فۋتزالدان قايرات كلۋبى ۋەفا چەمپيوندار ليگاسىنىڭ ەليتالىق كەزەڭىنە قاتىسىپ، جاقسى ناتيجەلەر كورسەتىپ جاتىر. جاقىندا ۋەفا ويىندارى الماتىدا بالۋان شولاق سارايىندا وتكەنىن ايتا كەتەيىك. الماتىنىڭ سپورت ينفراقۇرىلىمى دا جوعارى دەڭگەيدە دامىعان. الماتى ارەنا، حالىق ارەنا، مەدەۋ مۇز ايدىنى، شىمبۇلاق تاۋ-شاڭعى كۋرورتى، ورتالىق ستاديون، بالۋان شولاق اتىنداعى سپورت سارايى – مۇنىڭ ءبارى الەمدىك دەڭگەيدەگى سپورت شارالارىن قابىلداۋعا دايىن نىساندار. قىسقى سپورت تۇرلەرى ءۇشىن دە الماتى وتە قولايلى قالا سانالادى. تاۋ-شاڭعى سپورتىنا قاجەتتى تابيعي جانە جاساندى ينفراقۇرىلىمدارى ارقىلى الماتى ەلىمىزدىڭ سپورتتىق ورتالىعى بولىپ تۇر. بۇدان بولەك، شىمبۇلاق تمد ەلدەرى اراسىندا ەڭ ۇزدىك تاۋ-شاڭعى كۋرورتى اتاندى»، - دەيدى راۋان.
مۇنداي باستامالار قالانىڭ الەۋمەتتىك ءومىرىنىڭ ساپاسىن كوتەرىپ، ەكولوگيانىڭ جاقسارۋىنا ىقپال ەتۋدە. الماتى حالقىنىڭ دەنساۋلىعى مەن مادەنيەتتى دامىتۋعا باعىتتالعان بۇل جوبالار قالانى دەنساۋلىق پەن رۋحانياتتىڭ ورداسىنا اينالدىرۋ جولىندا ماڭىزدى ءرول اتقارماق.
