Mı-8 úlgisindegi QR QK Áýe qorǵanysy kúshteriniń tikushaqtary 1986-2019 jyldar aralyǵynda jasalǵan. Olardyń ortasha eseppen alǵandaǵy jasy – 22 jyl 9 aı. Bul týraly Qorǵanys mınıstriniń orynbasary Shaıh-Hasan Jazyqbaev Ulysmedia.kz portalyna aıtty, dep habarlaıdy «Adyrna» tilshisi.
«Bir tikushaq apatynan ekonomıkaǵa qansha shyǵyn keledi, olardyń naryqtyq quny qanshaǵa baǵalanady» degen saýalǵa mınıstrlik «áýe kemesin joǵaltý kezindegi shyǵyndar onyń oqıǵa kezindegi qalǵan qunyna baılanysty» dep qysqa qaıyrdy.
Shyn máninde tik ushaq apatynyń naqty shyǵynyn esepteý kúrdeli zertteýdi qajet etedi ár ol arnaıy mamandarǵa ǵana qoljetimdi aqparattar negizinde júzege asýy múmkin.
Dese de, ashyq derekkózderdegi aqparattarǵa qarap, apattyń ekonomıkalyq saldary mıllıon dollardan asyp ketýi múmkin dep tujyrymdaýǵa negiz bar. Tikushaqtyń baǵasy onyń jylyna, modıfıkaııasyna, jaǵdaıyna, jabdyqtalýyna jáne satyp alý sharttaryna baılanysty ózgerýi múmkin.
Ádette jańa Mı-8 tikushaqtardyń baǵasy 5-15 mıllıon dollar aralyǵynda bolady. Bizdegi tikushaqtaryń ortasha jasy 23 jasqa taıap qalǵanyn eskersek, onyń naryqtyq quny budan áldeqaıda tómen bolýy múmkin.
Tikushaq qymbat áskerı tehnıka bolǵandyqtan, otandyq qorǵanys salasynda ony jylda jańalaýǵa shama joq. Qorǵanys kúshteri sońǵy ret osydan 4 jyl buryn ıaǵnı 2020 jyly Mı-35M tikushaqtarymen tolyqtyrylǵan. Mınıstrlik olardyń naqty sanyn atamady.
Al “aldaǵy ýaqytta Qorǵanys mınıstrligine jańa tikushaqtar satyp alý josparda bar ma” degen saýalymyzǵa “tikushaq parkin jańartý qarastyrýda” degen jalpylama jaýap aldyq. Tek bıyl Ispanııadan bir aýyr A400m ushaǵy jetkiziledi dep kútilip otyrǵanyn naqtylady.
Odan bólek mınıstrlik áýe qorǵanysy salasyn kúsheıtý maqsatynda Reseıden, TOR-M2 jáne Býk-M2E zenıttik zymyran keshenderin, Belarýste óndirgen “”Rosa-R”» RLK radıolokaııalyq keshenin, Qazaqstan men Franııa birlesken óndirgen GM-403 “Nur” radıolokaııalyq stanııasyn alǵanyn atap ótti. Alaıda bul áskerı quraldar aldy úsh, arty bes jyl buryn satyp alynǵan.
