Memleket basshysy Qasym-Jomart Toqaevtyń tapsyrmasy boıynsha «Zańsyz ıemdenilgen aktıvterdi memleketke qaıtarý týraly» Zań sheńberinde qaıtarylǵan qarajat esebinen shamamen 8 mlrd teńge áleýmettik nysandarǵa baǵyttaldy, dep habarlaıdy «Adyrna» tilshisi.
Úkimet Aqtóbe qalasynda erekshe balalarǵa arnalǵan arnaıy balabaqsha salýǵa 7,8 mlrd teńge bólý týraly sheshim qabyldady. Balabaqshanyń ashylýy 300 erekshe balany tárbıemen jáne túzetý kómegimen qamtamasyz etedi.
Qazir oblysta erekshe bilim berýdi qajet etetin 3 jastan 6 jasqa deıingi 2523-ten astam bala bar, olardyń 1320-y mektepke deıingi bilimmen qamtylǵan. Óńirde 4 arnaıy túzetý balabaqshasy jumys isteıdi.
