“Qazaq arýy - 2024” baıqaýynyń ótýine qatysty shý shyǵyp, rezonans týdyrǵan. Búgin baıqaýdyń jeńimpazy qaıta belgili boldy, dep habarlaıdy “Adyrna” ulttyq portaly.
Baıqaý prodıýseri Baıan Maqsatqyzy 13 jyl boıy "Qazaq arýyn" ádilqazy alqasy tańdaǵanyn, tek bıyl ǵana tańdaý halyqqa berilgenin alǵa tartty. Alaıda bot jumys istemeı, halyq baıqaýdy “ádil ótpedi” dep shýlaǵan bolatyn.
"Qazaq arýy-2024" baıqaýynyń jeńimpazyn anyqtaý kezinde provaıderde aqaý paıda bolǵan. Sol sebepti nátıje durys shyqpaǵan. Osy olqylyqtyń ornyn toltyrý úshin uıymdastyrýshylar 16 qarasha kúni daýys berýdi qaıta uıymdastyrdy. Nátıjesinde, “Qazaq arýy - 2024” atanǵan Qyzylordalyq Aqkerbez Ysqaqqyzy boldy. Ol 15 qarasha kúni ótken baıqaýda da jeńiske jetip, altyn tájdi ıelengen edi.
