Memleket basshysy Qasym-Jomart Toqaev Bakýde ótken Dúnıejúzilik klımat sammıti COP29 aıasynda Moldova prezıdenti Maııa Sandýmen kezdesý ótkizdi, dep habarlaıdy "Adyrna" ulttyq portaly Aqorda baspasóz qyzmetine siltep.
"Kezdesý barysynda Qazaqstan men Moldova arasyndaǵy dástúrli dostyq qatynastardy keńeıtý múmkindikteri, ásirese saýda-ekonomıkalyq jáne mádenı-gýmanıtarlyq salalar talqylandy", – dep habarlady Akordanyń baspasóz qyzmeti.
Maııa Sandý kelesi jyly Moldova Respýblıkasynyń Astanada elshilik ashýy eki el arasyndaǵy yntymaqtastyqtyń damýyna yqpal etetinine senim bildirdi.
Aıta keteıik, Qasym-Jomart Toqaev 11 qarashada Baký qalasyna jumys saparymen barǵan bolatyn. Bul sapar barysynda Qazaqstan Prezıdenti álemdik kóshbasshylar, halyqaralyq uıymdar basshylary jáne bıznes ókilderimen kezdesý ótkizdi.
Sonymen qatar, Memleket basshysy klımattyq ózgeristerge qatysty álemdik kóshbasshylar sammıtinde sóz sóıledi. Plenarlyq sessııanyń ashylýynda oǵan birinshi sóz berildi.
