Grýzııa prezıdenti Salome Zýrabıshvılı 26 qazanda ótken parlament saılaýynyń nátıjesin zańsyz dep tanydy, dep habarlaıdy «Adyrna» tilshisi.
El basshysy daýys berý tolyǵymen burmalanǵanyn atap ótti. Ol arnaýly brıfıń ótkizip, grýzınderdi 28 qazanda Rýstavelı dańǵylyndaǵy saılaýǵa qarsy demonstraııaǵa shyǵýǵa shaqyrdy.
«Men bul saılaýdy moıyndamaımyn. Ony moıyndaý múmkin emes. Bul elimizge Reseıdiń kelgenin moıyndaýmen, Grýzııanyń Reseıge baǵynýymen teń»,—dedi Salome Zýrabıshvılı.
Esterińizge sala keteıik, jeksenbi kúni Grýzııanyń ortalyq saılaý komıssııasy jeńiske «Rossııskıı kredıt» bankiniń negizin qalaýshy, mıllıarder Bıdzına Ivanıshvılıdiń «Grýzın armany» partııasy jetkenin aıtqan edi. Parlamentke «Myqty Grýzııa» men «Grýzııa úshin» partııalary ótti. Saıası dodaǵa barlyǵy 18 partııa, 3 jarym mıllıonnan astam saılaýshy jáne 1700 baıqaýshy qatysty.
