Jetisý oblysynyń aýyldarynda Respýblıka kúni qarsańynda 5 jańa áleýmettik nysan paıdalanýǵa berildi. Olardyń ishinde dárigerlik ambýlatorııa, aýyldyq klýb, aýyldyq ákimdik, saıabaq jáne basqa da obektiler bar, - dep habarlaıdy Jetisý oblysy ákiminiń baspasóz qyzmeti.
Máselen, mereke qarsańynda Eskeldi aýdanynda 2 birdeı nysan paıdanalýǵa berildi. Atap aıtqanda, Jalǵyzaǵash aýylynda jańa blokty-modýldi aýyldyq mádenıet klýby ashylsa, Qaratal aýylynda blokty-modýldi aýyldyq ákimdik paıdalanýǵa berildi.
Sol sııaqty dárigerlik ambýlatorııalar Tekeli qalasynda jáne kúrdeli jóndeýden keıin Kóksý aýdanynyń Muqyry aýylynda qoldanysqa berildi.
- Muqyry aýyldan týyp-óstim. Ata-anam da osy aýyldyń týmasy. Erterekte bul aýylda medpýnkt bolǵan, sosyn feldsherlik-akýsherlik pýnkt salyndy, keıin sekseninshi jyldary dárigerlik ambýlatorııa turǵyzyldy. Sońǵy jyldarda ǵımarattyń ishi sýyq, jóndeýdi qajet etetin. Mereke qarsańynda jańaryp, jańǵyrtylǵan nysandy qoldanysqa berip otyr. Qan qysymy joǵary bolǵandyqtan ambýlatorııada esepte turamyn. Dárigerlerimiz bilikti, eseptegi paıent retinde dárilerimizdi tegin, ýaqytyly alyp turamyz, - deıdi muqyrylyq turǵyn Jumadil Joldybaev.
Atap ótsek, Muqyry aýylynda 3,5 myń adam turady, sondyqtan mundaǵy medıınalyq nysandy jańartyp, qyzmet kórsetý sapasyn arttyrýdyń mańyzy zor. Densaýlyq saqtaý ınfraqurylymyn jańǵyrtýmen qatar kadrlyq máseleler de sheshimin tabýda.
- Medıınalyq joǵary oqý ornyn bitirgenime bir jol boldy. Aýylǵa jumys isteýge keldim, oǵan esh ókinbeımin. Adamdarǵa barynsha kásibı kómektesýge tyrysamyn. Bul jańarǵan ambýlatorııada sapaly medıınalyq qyzmet kórsetýge barlyq jaǵdaı jasalǵan, barlyq qajetti qural-jabdyqtar bar. Aýyldastaryma dárigerlik kómegim tıetinine qýanyshtymyn, - deıdi jas maman, jalpy tájirıbe dárigeri Araılym Shahanbekova.
Sonymen qatar mereke qarsańynda Qaratal, Kóksý, Panfılov aýdandarynda jalpy sany 70 otbasy jeke úılerge ıe boldy. Atap aıtqanda, Kóksý aýdany Jarlyózek jáne Balpyq bı aýyldarynda 17 úıdiń, Qaratal aýdany Úshtóbe qalasynda 23 úıdiń, Panfılov aýdanynyń Jarkent qalasynda eki páterli 15 úıdiń kilti tapsyryldy.
- Kóp balaly retinde kezekte turǵanmyn. Bıyl kezegimiz kelip, úıli bolyp jatyrmyz. Bes balam bar, úlkeni on jasta, kishisi bir jarym jasta. Kúıeýim Kerbulaq aýdanyndaǵy ement zaýytynda jumys isteıdi. Ózim bala kútimimen úıde otyrmyn. Balalarmen páterden páterge kóship júrý qarjylyq jaǵynan da, moraldyq jaǵynan qıyn boldy. Endi úıli bolyp, qonystoı qýanyshyna jettik. Úıimiz unady, keń, jaryq, jyly, balalarymnyń nesibesi ǵoı, - deıdi jańa qonys ıesi, Jarlyózek aýylynyń turǵyny Rýqııa Raıym.
Jetisý oblysy ákiminiń baspasóz qyzmeti.
