Túrkistanda kesenege kelgen týrıstermen aǵylshynsha erkin sóılesip júrgen kúzetshiniń kim ekeni belgili boldy, dep habarlaıdy «Adyrna» tilshisi Qaz365.kz-ke silteme jasap.
55 jastaǵy Sher Talǵatbekuly áp sátte qaznet juldyzyna aınaldy. Túrkistandyq azamat joǵary oqý ornyn bitirmegen. Buǵan deıin ol jumysta qurylysshy, júrgizýshi bolyp jumys istep kelgen.
«Aǵylshyn tilin, birinshiden, úırendim dep aıtpas edim. Úırenip júrmin. Týrısterge keler bolsaq, bul qarapaıym qajettilikten týyndaıtyn másele ǵoı. Olar kelgennen keıin, álbette, qyzmet kórsetý kerek. Qazaqta «úıden qyryq qadam attasań, músápirsiń» deıdi ǵoı. Tilge bir qadam jaqsy bolǵannan keıin bireýler ájethana qaıda ekenin suraıdy. Ótinedi. Túsindirip jiberemin. Sýsyn izdegen kezde qaıdan alýǵa bolatynyn da suraıdy. Ony da kórsetip jiberem. Sonymen jalǵasyp kete beredi», - deıdi Ilııas Sher.
Kúzetshi tyń usynystar bolsa basqa jumysqa aýysýǵa daıyn ekenin aıtty.
«Joǵary bilim joq bolǵan soń kim jumysqa alady? Durys qoı, ol úshin rastaıtyn qujat bolý kerek. Alla násip etse, usynysttar bolar. «Adamnyń basy – Allanyń doby»,— deıdi. Nege bolmasqa? Halyqqa jarasaq, qyzmetine daıynbyz. Tarıhty túsindirýge daıarmyz. El óssin, memleket kórkeıe bersin. Álemge tanymal bola bereıik», - deıdi ol.
