Qaraǵandy oblysyndaǵy dala órtin sóndirý kezinde TJD qyzmetkeri Halı Haırat qaza tapty. Qaıǵyly oqıǵa 6 qazanda bolǵan, dep habarlaıdy «Adyrna» tilshisi.
«Qyzmettik mindetin atqarý kezinde 24-órt sóndirý bóliminiń aǵa órt sóndirýshi-qutqarýshysy qaza tapty. Serjant azamattyq qorǵaý organdarynda 2014 jyldan bastap jumys istegen. Oqıǵanyń mán-jaıy anyqtalýda. Sotqa deıingi tergeý bastaldy,—delingen habarlamada.
Tótenshe jaǵdaılar mınıstrligi qaza tapqan órt sóndirýshiniń otbasyna jan-jaqty kómek pen qoldaý kórsetetinin atap ótti.
Eske salaıyq, 6 qazanda Qaraǵandy oblysy Qarqaraly aýdany Qoıandy aýylynyń mańynda qurǵaq shóp órtenip ketken edi. Órt ornyna orman sharýashylyǵynyń, TJD kúshteri men quraldary jáne erikti órtke qarsy quralymdar dereý jiberildi.
