Ishki ister vıe-mınıstri Erkin Botaqanov – Ulttyq ulannyń bas qolbasshysy qyzmetinen bosatyldy. Onyń ornyna Ańsaǵan Baltabekov keldi, dep habarlaıdy "Adyrna" ulttyq portaly Aqordanyń baspasóz qyzmetine siltep.
«Memleket basshysynyń ókimimen Erkin Sovetbekuly Botaqanov Qazaqstan Respýblıkasy Ishki ister mınıstriniń orynbasary – Ulttyq ulannyń Bas qolbasshysy laýazymynan bosatyldy», - delingen sársenbide taraǵan habarlamada.
Botaqanov Ulttyq ulandy 2022 jyldyń qańtarynan bastap basqardy.
«Memleket basshysynyń Ókimimen Ańsaǵan Eskendiruly Baltabekov Qazaqstan Respýblıkasy Ishki ister mınıstriniń orynbasary – Ulttyq ulannyń bas qolbasshysy qyzmetine taǵaıyndaldy», - delingen sársenbide taraǵan habarlamada.
Baltabekov buǵan deıin memlekettik qaýipsizdik qyzmeti basshysynyń orynbasary bolǵan, sonymen qatar ulttyq qaýipsizdik organdarynda qyzmet etken.
