Almaty ákimi Erbolat Dosaev soǵys ardageri Sháńgereı Jánibekulyn ǵasyrlyq mereıtoıymen quttyqtady
Sháńgereı Jánibekov 1924 jyly dúnıege kelgen, 18 jasynda maıdanǵa shaqyrylǵan. Qazaqstandyq jaýynger soǵysqa bastan-aıaq qatysyp, keıin memlekettik jáne qoǵamdyq qyzmette beıbit ómirdi qalpyna keltirýge aıanbaı eńbek etti.
Búginde qart maıdanger 100 jasqa tolyp otyr. Qala ákimi Erbolat Dosaev aqsaqalǵa arnaıy baryp, Memleket basshysynyń sálemi men quttyqtaýyn, jyly lebizin jetkizdi.
«Ózińizdi otandastarymyz kórnekti memleket jáne qoǵam qaıratkeri, maıdanger, ultjandy azamat retinde jaqsy biledi. Ómirlik ǵumyrnamańyzda ekinshi dúnıejúzilik soǵysqa qatysyp, beıbit jyldarda eńbek jolyńyzdy densaýlyq saqtaý, aýyl sharýashylyǵy sııaqty mańyzdy salalardan bastap, túrli saıası-ákimshilik qyzmetti abyroımen atqardyńyz», - delingen Prezıdenttiń quttyqtaýynda.
Sondaı-aq óskeleń urpaqtyń ǵasyr jasaǵan ǵıbratty ǵumyr ıesi, ónegelik jan retinde erekshe qadirleıtini aıtylǵan.
Qala ákimi Sháńgereı Jánibekovke 1941-1945 jyldardaǵy Uly Otan soǵysynda kórsetken erligi men janqııarlyǵy, memlekettik jáne qoǵamdyq qyzmetke belsendi aralasqany úshin Memleket basshysynyń Jarlyǵymen berilgen I dárejeli «Barys» ordenin tabys etti.
Premer-mınıstr Oljas Bektenov ardagerge óziniń quttyqtaýyn joldady, ol Sháńgereı Jánibekulynyń sińirgen eńbegin, qoǵamnyń damýyna jáne Qazaqstannyń qalyptasýyna qosqan úlesin atap ótti.
Erbolat Dosaev ardagerge soǵysta kórsetken jaýyngerlik erligi úshin rızashylyǵyn bildirip, eldiń damý jolyndaǵy qajyrly eńbegi úshin alǵys bildirdi. Ol maıdangerdiń ómir joly batyldyqtyń, erliktiń jáne boryshqa degen adaldyqtyń úlgisi ekenin atap ótti.
«Eki jyl buryn Jeńis kúninde men sizdiń 100 jyldyq mereıtoıyńyzǵa keletinimdi aıtqan edim. Búgin sizdi osy tamasha mereıtoımen quttyqtap, Memleket basshysynyń aqjarma tilekteri men júrekjardy lebizin jetkizip, Sizge laıyqty marapat tapsyrý men úshin úlken mártebe. Aman bolyńyz! Jaqyndaryńyzǵa baqyt pen jaqsylyq tileımin», - dedi Almaty ákimi.
Óz kezeginde Sháńgereı Janybekuly Memleket basshysy men Premer-mınıstrge aǵa urpaqqa kórsetken qurmet pen qamqorlyǵy úshin alǵys bildirip, barsha qazaqstandyqqa ashyq aspan tiledi.
Sháńgereı Jánibekuly 1942 jyldyń qyrkúıeginde Qostanaı medıınalyq ýchılıesin bitirgennen keıin Keńes armııasy qataryna shaqyryldy. II Ýkraın jáne Brıansk maıdandaryna qatysyp, Poltava, Kırovograd, Kremenchýg, Harkov, Belgorod, Ýkraına, Moldova, Avstrııa, Vengrııa, Rýmynııa jáne Chehoslovakııany jaýlardan azat etýge qatysty. Jeńis kúnin Aýstrııada qarsy aldy.
Zapasqa shyqqan soń Qostanaı aýdandyq eńbekshiler depýtattary keńesiniń densaýlyq saqtaý bóliminiń meńgerýshisi bolyp jumys istedi. Qazaq KSR Mınıstrler Keńesi tóraǵasynyń orynbasary qyzmetin atqardy, onda mádenıet, halyqqa bilim berý, densaýlyq saqtaý, áleýmettik qamsyzdandyrý, baspa qyzmeti, buqaralyq aqparat quraldary jáne sport qozǵalysy, shyǵarmashylyq odaqtar jáne basqa da qoǵamdyq uıym máselelerimen aınalysty. 1985 jyldan bastap jasyna baılanysty zeınetke shyqty. 1985 jyldyń tamyzynan 1993 jyldyń jeltoqsanyna deıin «Qazaqstan qoǵamy» sheteldegi qazaqtarmen mádenı baılanys jónindegi respýblıkalyq qoǵamdy basqardy.
1987 jyldyń naýryzynan 1990 jyldyń naýryzyna deıin Qazaq respýblıkalyq soǵys jáne eńbek ardagerleri keńesiniń tóraǵasy, sodan keıin 2001 jyldyń naýryzyna deıin osy Keńestiń Tóralqa múshesi boldy. 1995 jyldan 1998 jylǵa deıin Qazaqstan halyqtary Assambleıasynyń múshesi boldy. Respýblıkanyń ártúrli delegaııalarynyń basynda Mońǵolııa, Aljır, Avstrııa, Fılıppın, Irak, Aýǵanstan, Vetnam, Iran jáne delegaııa múshesi retinde Chehoslovakııada boldy.
Ol Qazan tóńkerisi, II dárejeli Otan soǵysy ordenimen, Eńbek Qyzyl Tý ordenimen, «Erligi úshin» eki medalimen, Qazaq KSR Joǵarǵy Keńesiniń Qurmet gramotalarymen jáne basqa da eńbek sińirgen nagradalarymen marapattaldy. 2017 jyly Sháńgereı Jánibekovke Almaty qalasynyń qurmetti azamaty ataǵy berildi.
