Tasqyn sýdyń beti qaıtqan soń onyń zardabymen kúresý, shyǵynnyń qalpyn keltirý jumystary júrýde.
Podstepnyı aýyldyq okrýginde sýǵa ketken turǵyndaryna kezeń-kezeńimen kómek berý júzege asýda.
Qazir halyqqa keregi - baspana. Árbir jerde tentiregen turǵyndardyń talaby da sol “tezirek baspana salyp berse eken” bolyp otyr.
Memleket basshysy Qasym-Jomart Kemeluly : “ Tasqyn sýdan zardap shekken azamattarǵa aıtarym, memleket birde-bir adamdy eskerýsiz qaldyrmaıdy. Barshańyzǵa qarjylyq jáne basqa da kómek beriledi. Materıaldyq shyǵyndar tolyq óteledi” dep birqatar tapsyrmalar bergen bolatyn. Qazirgi tańda komıssııa sheshimimen apatty dep tanylǵan úıler qulatylyp, ornyna jańa úı salý jumystary bastaldy. Sondaı-aq ishki árleý jumysyn qajet etetin úıler bar. Onyń bárin qalpyna keltirý ýaqytty talap etedi.
Sol tapsyrmalarǵa sáıkes Podstepnyı aýyldyq okrýginde turýǵa jaramsyz dep tanylǵan 98 úı buzylatyn boldy. Ornyna 80 metr kvadratty quraıtyn jańa úı salynady. Qazirgi ýaqytta atalmysh aýylda qurylys qarqyn ala bastady.
Turǵyn úı salý jumystaryn "Otdelstroı”, “SVS Batys”, “Atameken Invest”, “CHRYSTAL GENERATION LTD”, “GradIndQurylys”, “BETA Servicom”, “Batys Kurylys Servicom” syndy birneshe qurylys kompanııalary júrgizedi.
Aýdan ákimi Álııa Muhanbetjanova merdigerlermen kezdesip, turǵyn-úı barysyn qarady.
Qurylys basynda bolyp Podstepnyı aýyly turǵandyrymen tildesken bolatynbyz. Ol jandardyń ishinde raqmet aıtyp jatqandary da, kóńili tolmaı, jasalyp jatqan jumystardy joqqa shyǵaryp jatqandary da bar. Árıne, bárine birdeı unaý múmkin emes.
Solardyń biri Podstepnyı aýylyna qonys tepkenine jıyrma jylǵa jýyq ýaqyt bolǵan Neǵmetolla Djalmuratovtyń úıi de apatty dep tanylǵan.
-Naýryz aıynyń sońynda turǵyn úıimiz sýǵa ketti. Komıssııa sheshimimen úıdi buzyp, ornyna jańa úı salyp beretiniń aıtty. Qazir jerdi tegistep jatyr. Bir-eki kúnde úı irgesi quıylady. Alla qalasa , kúzde jańa baspanamyzǵa kiremiz degen oıymyz bar.
Qazirgi ýaqytta qurylys qarqyny jaqsy. Merdigerler kúzge deıin úıdi tolyq aıaqtap, kiltin tabystaımyz dep otyr. Onysy durys. Tentirep júrgen halyq óz baspanasyna tezirek ornalassa eken deımiz.
Jaýhar NURYM
