Leonardo da Vınchıdiń eń jumbaq jáne qundy jaýharlarynyń biri La Bella Principessa Qazaqstan jurtshylyǵyna usynylady. Sýret Sforıada Varshavalyq kodeksinen alynǵan jáne Mılan gerogy Lıýdovıko ıl Moronyń qyzy ári general-kapıtan Galeao Sanseverınonyń jubaıy Bıanka Djovanna Sforanyń qyrynan kórinisi dep tanylǵan. La Bella Principessa – sheberdiń pergamenttegi jalǵyz týyndysy bolyp tabylady. Bul biregeı múmkindik Astanadaǵy Italııa elshiliginiń, ForteBank, Mastercard, Scripta Maneant jáne Italııa mádenıet ınstıtýtynyń, sondaı-aq Qazaqstan Respýblıkasy Mádenıet jáne aqparat mınıstrliginiń qoldaýymen júzege asty. Kórme Astanadaǵy Qazaqstan Respýblıkasynyń Ulttyq mýzeıinde 7 maýsym men 4 tamyz aralyǵynda ótedi.
La Bella Principessa — Leonardo da Vınchıdiń XV ǵasyrdyń aıaǵynda salǵan týyndysy, onda ıtalıandyq aqsúıekter otbasynan shyqqan jas qyzdyń portreti beınelengen. Joǵalyp, keıin qaıtadan tabylǵan shyǵarma sheberdiń eń jumbaq jáne tań qaldyratyn týyndylarynyń biri bolyp tabylady. Buǵan deıin kartına búkil álem boıynsha bes ret qana kórsetilip, ár ýaqytta synshylar men kórermenderdiń úlken qyzyǵýshylyǵyn týdyrdy.
«Leonardo - Renessans adamynyń beınesi, daryn, danyshpandyq jáne shyǵarmashylyqtyń máńgilik ózekti nyshany. Sýretshi jaýharlarynyń biri Astanada kórmelenýi - elderimiz arasyndaǵy yntymaqtastyqty nyǵaıtýdyń biregeı múmkindigi», - dedi Italııanyń Qazaqstan Respýblıkasyndaǵy elshisi Marko Albertı.
Ǵalymdar, mýzeıler jáne tehnologııalyq zertteý ınstıtýttarymen uzaq jyldar boıy yntymaqtasyp qyzmet etetin Scripta Maneant baspasy Qazaqstandaǵy Italııa elshiligimen, Italııa mádenıet ınstıtýtymen, Forte Bank jáne Mastercard-pen birlesip, Leonardonyń bul týyndysyn Astana tórinde kórmege usynǵanyn maqtan tutady, ári kelýshilerdiń Renessans dáýiriniń óresi bıik ónerin tamashalap, rýhanı lázzat alýyna múmkindik beredi.
«Álemdegi basty mádenı is-sharalardy qoldaý Mastercard jumysynyń mańyzdy baǵyty bolyp tabylady, osylaısha kompanııa baǵa jetpes sátter jáne áıgili tulǵalarmen kezdesý múmkindigin syılaıdy, sonyń ishinde tanymal ártister, mýzykanttar jáne sýretshilerdiń shyǵarmashylyǵymen tanysýdy da atap ótken jón. Biz bul jobany qýana qoldadyq jáne qazaqstandyqtar Leonardo da Vınchıdiń týyndysymen tanysýdan shynaıy rahat pen baǵa jetpes áser alatynyna senimdimiz», - dep atap ótti Mastercard kompanııasynyń Qazaqstan men Ortalyq Azııadaǵy bas dırektory Sanjar Jamalov.
«ForteBank» AQ mádenıet pen ónerdi júıeli negizde qoldaıdy. Atap aıtqanda, bank sońǵy segiz jyl ishinde mádenı murany damytý, qoldaý jáne óskeleń urpaqty tárbıeleý maqsatynda «Qulan-Astana» QB qyzmetin qarjylandyryp keledi: osy ýaqyt ishinde 35-ten astam kórme uıymdastyryldy, onyń ishinde halyqaralyq mańyzy zor jobalar bar. Galereıaǵa kirý tegin.
«Bizdiń elimizde osyndaı sırek kezdesetin jaýhardy kórý múmkindigi - Qazaqstannyń mádenı ómiri úshin mańyzdy oqıǵa. Biz oǵan qatysqanymyzǵa qýanyshtymyz. Qalyń kórermen Leonardo da Vınchıdiń óshpes týyndysyn kórgen boıda eleń etip, beıjaı qalmaıtynyna senimdimin», - dedi «ForteBank» AQ Basqarýshy dırektory Álııa Esjan.
Uıymdastyrýshylar elordanyń barlyq qonaqtary men turǵyndaryn Leonardo da Vınchıdiń áıgili shyǵarmasynyń ásemdigin tamashalaý úshin Qazaqstan Respýblıkasynyń Ulttyq mýzeıine kelýge shaqyrady.
