Oral qalasy boıynsha avtomobıl joldarynyń jalpy uzyndyǵy 690,3 shaqyrym bolsa, onyń ishinde jaqsy jáne qanaǵattanarlyq jaǵdaıdaǵy joldardyń uzyndyǵy – 439,6, topyraq jabyndy joldardyń uzyndyǵy 250,7 shaqyrymdy quraıdy. Avtomobıl joldarynyń sapasyn jaqsartý maqsatynda aǵymdaǵy jyly jalpy uzyndyǵy 107,6 shaqyrym bolatyn jol jóndeý josparlanǵan. Bul týraly Oral qalasy ákiminiń orynbasary Jandos Dúısenǵalıev málimdedi.
Jandos Ashatulynyń aıtýynsha, kúrdeli jóndeý – 9,05, qaıta qalpyna keltirý – 4,3, ortasha jóndeý – 66,4, ANT ádisimen aǵymdaǵy jóndeý – 27,8 shaqyrymdy quraıdy. Atalǵan barlyq jobalardy júzege asyrý úshin qajetti qarajat – 8,6 mlrd teńge. Budan bólek 2023 jyly bastalyp,ótpeli kezeńmen josparlanǵan 8 joba boıynsha jol jóndeý jumysy bıyl aıaqtalady dep kútilýde.
– Sáýir aıynyń sońynan bastap kóshe joldaryn aǵymdaǵy jáne ortasha jóndeý bastaldy. Qyzyljar jáne Nekrasov, Lermontov kóshelerin ortasha jóndeý tolyq aıaqtaldy, qazir tıisti jumystar Nazarbaev dańǵylynda jáne Alash kóshesinde júrgizilýde. Ortasha jóndeýmen negizgi ári kólik qozǵalysy qarqyndy kósheler qamtylady. Aǵymdaǵy jóndeý boıynsha 50-den astam kóshe josparlansa, qazirgi ýaqytta 20 kóshe jóndeýden ótti. Bıyl kópirlerdegi deformaııalyq tigisterdi qalypqa keltirý, temir jol ótkelderin jóndeý júrgizilýde, – deıdi Jandos Ashatuly.
Bıyl qalanyń jol qozǵalysyn retteıtin tehnıkalyq qurylǵylardy ornatý jáne jóndeý boıynsha birqatar jumys josparlanǵan. Atap aıtsaq, 10 orynǵa «jaıaý júrginshiler ótkeli» kompo-belgisi, 20 jasandy jol, 7 jaıaý júrginshilerge arnalǵan shaqyrý túımesi bar baǵdarsham, 4 kóshe qıylysyna baǵdarsham, 5 orynǵa proekııalyq jaıaý júrginshiler ótkelinornatý kózdelgen. Qala boıynsha bıyl 132 kóshegejol tańbalaý josparlanǵan.
– Qalamyzda sý tasqynyna oraı tótenshe jaǵdaı jarııalandy. Qazir sý tasqynynyń saldaryn joıý jumysy júrgizilýde. Sondyqtan jol jóndeýge qatysty keıbir jobalar júzege aspaýy múmkin. Alaıda biz múmkindiginshe jol jóndeýdi josparǵa saı atqarýǵa tyrysamyz, – dedi qala basshysynyń orynbasary.
Aıta ketý kerek, bıyl qala aýmaǵynda kóshe joldaryn ortasha jóndeýge qatysty 21 jobany júzege asyrý kózdelgen. Qazir merdiger «Adal arna» JShS Nazarbaev dańǵylyn Abaı dańǵylynan Eski shirkeýge deıin ortasha jóndeýge kirisken. Josparǵa sáıkes, atalǵan dańǵyldyń 4,5 shaqyrymy jóndelmek. Budan bólek, «DSK Prıorıtet» JShS Alash kóshesi men Abdolov kóshesinde de tıisti jumys júrgizýde.
