Búgin «Atameken» óner ortalyǵynda 7 mamyr – Otan qorǵaýshylar kúnine arnalǵan saltanatty jıyn ótti.
Merekelik sharada oblys ákimi Narıman Tóreǵalıev el damýynda er azamattardyń orny men erligin tilge tıek etip, keshegi óńirimizde oryn alǵan sý tasqyny kezinde jasaǵan eńbekterine erekshe toqtaldy.
«Oblysymyzdan jáne basqa da óńirlerden 3 myńǵa jýyq kúshtik qurylym qyzmetkerlerimen qatar, eldiń naǵyz patrıottary, eldiń bolashaq qorǵandary jastar qaýymy qıyn sátte uıymshyldyq tanytyp, el úshin aıanbaıtyndaryn dáleldedi. Budan bólek, eriktiler men qarapaıym turǵyndarymyz da kúndiz-túni tasqyn sýǵa qarsy jumystarǵa qol ushyn sozdy.
Nátıjesinde, ýaqytyly qabyldanǵan sharalardyń arqasynda Oral qalasy men oblysymyzdyń 4 aýdanynda ornalasqan 84 eldi mekenin sý tasqynynan aman alyp qaldyq», - dedi óz quttyqtaýynda oblys ákimi.
Shara marapattaý rásimimen jalǵasyp, táýelsizdigimiz ben tutastyǵymyzdy, tynyshtyǵymyz ben beıbit tirligimizdi kúzetip turǵan, halqymyzǵa qorǵan bolǵan kúshtik qurylym qyzmetkerleri men synı saǵatta qoldaý bildirgen jandar marapat tórinen kórindi.
Saltanatty shara jergilikti ónerpazdardyń konertine ulasty.
