Qazaqstan halqyna» QQ sý tasqynynan zardap Aqmola oblysynyń Bulandy jáne Jarqaıyń aýdandarynda 87 úı salyp beredi.
Turǵyn úıler Aqmola oblysy ákimdigi usynǵan tıptik joba boıynsha qordyń qarjysyna salynady.
Memorandým barlyq rásimderdiń ashyqtyǵyn jáne qurylys jumystarynyń búkil kólemin qujattamalyq qamtamasyz etýdi saqtaı otyryp, qysqa merzimde qaıyrymdylyq maqsatqa jetý úshin birlesken tásilderdi, taraptardyń jaýapkershiligin jáne fýnkııalardy bólýdi anyqtaıdy.
«Prezıdenttiń bastamasymen qurylǵan «Qazaqstan halqyna» qory halyqtyń ózekti máselelerin sheshýge baǵyttalǵan. Birlesken jobamyz tıimdi júzege asyp, kúzge deıin júzge jýyq otbasy qonys toıyn toılaıtynyna senimdimin», - dedi Aqmola oblysynyń ákimi Marat Ahmetjanov.
«Bizdiń maqsatymyz – tabıǵı apattan zardap shekken óńirlerdegi 500-den astam otbasyny jaıly baspanamen qamtamasyz etý, bul úshin qarajat pen qaıyrymdylyqty jınaý mamyr aıynyń sońyna deıin uzartyldy», - dedi Qor basqarma tóraǵasynyń orynbasary Lázzat Shyńqysbaeva.
Jergilikti atqarýshy organdar sý basqan aımaqtardaǵy zalaldy baǵalaýdy jáne qurylysqa qajetti qorytyndylardy daıyndaýdy, onyń ishinde bolashaqta sý basý qaýpi joq jerlerde jańa úıler úshin jer telimderin bólýdi, ınjenerlik-kommýnıkaııalyq ınfraqurylymdy daıyndaýdy qamtamasyz etedi.
Seriktestiktiń mindetti sharty keshendi saraptamany jáne Qazaqstan Respýblıkasynyń zańnamasynda kózdelgen basqa da ruqsat beretin qujattamany alý, onyń ishinde túsindirý jumystaryn júrgizý jáne zardap shekken turǵyndarmen jobany kelisý bolyp tabylady.
Barlyq kezeńderdiń ashyqtyǵy men monıtorıngi úshin jumys tobynyń quramyna jergilikti atqarýshy organdar men táýelsiz sarapshylyq (baǵalaý) qurylymdarynyń ókilderimen qatar qoǵamdyq uıymdardy engizý usynyldy.
Turǵyn úı qurylysyna qatysty barlyq materıaldar qordyń resmı saıtynda «Sý tasqyny-2024» bóliminde jarııalanady.
Buǵan deıin «Qazaqstan halqyna» QQ Batys Qazaqstan, Soltústik Qazaqstan jáne Qostanaı oblystarynyń ákimdikterimen turǵyn úıler salý týraly memorandýmdarǵa qol qoıǵan bolatyn, sý tasqynynan zardap shekken basqa oblystardyń ákimdikterimen de osyndaı jumystar júrgizilip jatyr.
8 sáýirde Qordyń Qamqorshylyq keńesi tótenshe jaǵdaıdyń saldaryn joıýǵa 10 mlrd teńge bólý týraly sheshimdi bekitti. Sonymen qatar, 1 sáýir men 31 mamyr aralyǵyndaǵy barlyq túsken qarajat osy maqsattarǵa jumsalatyn bolady.
