قازاقستان حالقىنا» قق سۋ تاسقىنىنان زارداپ اقمولا وبلىسىنىڭ بۇلاندى جانە جارقايىڭ اۋداندارىندا 87 ءۇي سالىپ بەرەدى.
تۇرعىن ۇيلەر اقمولا وبلىسى اكىمدىگى ۇسىنعان تيپتىك جوبا بويىنشا قوردىڭ قارجىسىنا سالىنادى.
مەموراندۋم بارلىق راسىمدەردىڭ اشىقتىعىن جانە قۇرىلىس جۇمىستارىنىڭ بۇكىل كولەمىن قۇجاتتامالىق قامتاماسىز ەتۋدى ساقتاي وتىرىپ، قىسقا مەرزىمدە قايىرىمدىلىق ماقساتقا جەتۋ ءۇشىن بىرلەسكەن تاسىلدەردى، تاراپتاردىڭ جاۋاپكەرشىلىگىن جانە فۋنكتسيالاردى ءبولۋدى انىقتايدى.
«پرەزيدەنتتىڭ باستاماسىمەن قۇرىلعان «قازاقستان حالقىنا» قورى حالىقتىڭ وزەكتى ماسەلەلەرىن شەشۋگە باعىتتالعان. بىرلەسكەن جوبامىز ءتيىمدى جۇزەگە اسىپ، كۇزگە دەيىن جۇزگە جۋىق وتباسى قونىس تويىن تويلايتىنىنا سەنىمدىمىن»، - دەدى اقمولا وبلىسىنىڭ اكىمى مارات احمەتجانوۆ.
«ءبىزدىڭ ماقساتىمىز – تابيعي اپاتتان زارداپ شەككەن وڭىرلەردەگى 500-دەن استام وتباسىنى جايلى باسپانامەن قامتاماسىز ەتۋ، بۇل ءۇشىن قاراجات پەن قايىرىمدىلىقتى جيناۋ مامىر ايىنىڭ سوڭىنا دەيىن ۇزارتىلدى»، - دەدى قور باسقارما توراعاسىنىڭ ورىنباسارى ءلاززات شىڭقىسباەۆا.
جەرگىلىكتى اتقارۋشى ورگاندار سۋ باسقان ايماقتارداعى زالالدى باعالاۋدى جانە قۇرىلىسقا قاجەتتى قورىتىندىلاردى دايىنداۋدى، ونىڭ ىشىندە بولاشاقتا سۋ باسۋ قاۋپى جوق جەرلەردە جاڭا ۇيلەر ءۇشىن جەر تەلىمدەرىن ءبولۋدى، ينجەنەرلىك-كوممۋنيكاتسيالىق ينفراقۇرىلىمدى دايىنداۋدى قامتاماسىز ەتەدى.
سەرىكتەستىكتىڭ مىندەتتى شارتى كەشەندى ساراپتامانى جانە قازاقستان رەسپۋبليكاسىنىڭ زاڭناماسىندا كوزدەلگەن باسقا دا رۇقسات بەرەتىن قۇجاتتامانى الۋ، ونىڭ ىشىندە ءتۇسىندىرۋ جۇمىستارىن جۇرگىزۋ جانە زارداپ شەككەن تۇرعىندارمەن جوبانى كەلىسۋ بولىپ تابىلادى.
بارلىق كەزەڭدەردىڭ اشىقتىعى مەن مونيتورينگى ءۇشىن جۇمىس توبىنىڭ قۇرامىنا جەرگىلىكتى اتقارۋشى ورگاندار مەن تاۋەلسىز ساراپشىلىق (باعالاۋ) قۇرىلىمدارىنىڭ وكىلدەرىمەن قاتار قوعامدىق ۇيىمداردى ەنگىزۋ ۇسىنىلدى.
تۇرعىن ءۇي قۇرىلىسىنا قاتىستى بارلىق ماتەريالدار قوردىڭ رەسمي سايتىندا «سۋ تاسقىنى-2024» بولىمىندە جاريالانادى.
بۇعان دەيىن «قازاقستان حالقىنا» قق باتىس قازاقستان، سولتۇستىك قازاقستان جانە قوستاناي وبلىستارىنىڭ اكىمدىكتەرىمەن تۇرعىن ۇيلەر سالۋ تۋرالى مەموراندۋمدارعا قول قويعان بولاتىن، سۋ تاسقىنىنان زارداپ شەككەن باسقا وبلىستاردىڭ اكىمدىكتەرىمەن دە وسىنداي جۇمىستار جۇرگىزىلىپ جاتىر.
8 ساۋىردە قوردىڭ قامقورشىلىق كەڭەسى توتەنشە جاعدايدىڭ سالدارىن جويۋعا 10 ملرد تەڭگە ءبولۋ تۋرالى شەشىمدى بەكىتتى. سونىمەن قاتار، 1 ءساۋىر مەن 31 مامىر ارالىعىنداعى بارلىق تۇسكەن قاراجات وسى ماقساتتارعا جۇمسالاتىن بولادى.
