Taǵdyr synyna moıymaı, ózin qolǵa alý arqyly alǵa qaraı qadam basyp, bolashaǵynan úlken úmit kútetin jandar qanshama?! Mańdaıyna jazylǵan taǵdyrdan qashyp, qutyla almasyn bilse de, ómirden óz ornyn taýyp, eshkimge masyl bolmaı óz kúnin ózi kórip júrgen jandar barshamyzǵa úlgi. Solardyń biri — Batys Qazaqstan oblysynyń Jánibek aýylynda turatyn Qantym Ǵumarova.
Ómirge ǵashyq áıel múgedektigine qaramastan, tiginshilik jáne qolónermen aınalysyp, kásibin domalatyp otyr. «Adyrna» tilshisi qaısar janmen tildesip, az-kem áńgime qurdy.
Ǵumarova Qantym Amanqyzy 1955 jyly jeltoqsan aıynyń jıyrma altynshy juldyzynda Batys Qazaqstan oblysy, Bókeı orda aýdany, Temirmasın aýyldyq okrýginde dúnıege kelgen. Qurmanǵazy sovhozy, Saraljyn aýylynda oqyp, bilim aldy.
1966 jyly 11 jasynda jol apatyna túsken. 1980 jyldary jaraqaty qaıta syr berip, dárigeler kómegine júgingen Qantym Amanqyzy qate emdelý saldarynan dertin asqyndyryp, onkologııalyq aýrýǵa shaldyqqan. Keıin emin Almaty qalasynda jalǵastyrdy. Mamandardyń qatelesýi nátıjesinde súıegi balqyp, jilik maıy aǵyp ketken. Osylaısha 2 jyl emdelip, esh nátıje bolmaǵan soń aıaǵyn kesýge májbúr bolǵan. Alǵashqy jyldary I top, keıin II top múgedektigine shyqty.
Keıipkerimiz bala kezinen anasynan shulyq toqyp, keste tigip úırengen. Múgedektik alǵannan keıin ol tiginshi bolyp jumysqa ornalasady. 10 jyldan keıin Jánibek aýdanyna turmysqa shyǵyp, sol ýaqyttan bastap qolónermen aınalysýdy jón kóredi. Jumys istep júrgen eh jumysyn toqtatqan soń úıde otyryp tigý jáne toqý jumystarymen aınalysady.
2011 jyly grant arqyly is mashına alǵan.
«2019 jyly "Amanat" Jánibek bastaýysh partııasy múmkindigi shekteýli adamdar arasynda ótken saıysta I oryn aldym. Osyǵan oraı maǵan kóp fýnkıonaldyq is mashınany syıǵa tartty. Qazirgi tańda kórpe, tósekshe, kópshik, qorjyn, sómke syndy dúnıelerdi óz qolymmen jasaımyn. Kıimin qysqartqysy kelgender nemese qyz jasaýyna tapsyrys berýshiler úıime kelip, qyzmetimdi tutynady»,— deıdi Qantym Amanqyzy.
Áńgime barysynda rýhy bıik áıel óz jan-syrymen bólisti.
«Aıaǵymnan kesilip Saratovta protez alyp jatqan kezimde emhanadan qos qoly joq adamdy kórgende táýbeme keldim. Oǵan deıin jer júzindegi jalǵyz múgedek menmin dep oılaıtyn edim»,– dep túsindirdi ol.
Aıtýynsha, jumys barysynda túrli qıyndyq bolady.
«Aýylda turǵandyqtan, qajetti mata men jipke, taǵy da basqa kerekti quraldarǵa qol jetkize almaı qalamyn. Qalaǵa kúnde barýǵa múmkindik joq. Odan bólek, qarjylaı jaǵynan da qıyndyqtar bolyp turady. Aýylda esh kásipkerden de, bılik tarapynan da eshqandaı kómek, qoldaý bolyp otyrǵan joq. Qoldan kelgenshe Almatyǵa jyl saıyn protezge barǵanymda kerek-jaraǵymdy alyp alamyn. Qıyndyqsyz ómir joq. Sol sebepti, moıymaı basqa joldaryn qarastyryp otyramyn. Atadan qalǵan ulaǵatty sózderdi jıi oqımyn. Osylaısha motıvaııa alamyn. Myna bir óleń joldary erekshe shabyt beredi:
Táýbeńe kel pende bolsań esi bar,
Sabyrsyzdar qadirsiz bop tosylar.
Dúnıege qolyń jetpeı qalǵanda,
Qos qoly joq pendelerdi esińe al»,— dep qaısar jan aǵynan jaryldy.
Suqbat sońynda Qantym Amanqyzy jastarǵa óz-aqyl keńesin aıtty.
«Ár istiń óz qıyndyǵy bar. Shydamdy, sabyrly bolyńdar. Tózimdilik pen eńbektiń arqasynda bárine qol jetkize alasyńdar. Uıaly telefonǵa telmire bermeı, jańa nárse úırenýge asyǵyńdar. Barlyq jastardy eńbekke shaqyramyn!»— dep sózin túıindedi ol.
Qaısar minez Qantym Amanqyzynyń ómir jol qaı-qaısymyzǵa da sabaq bolary anyq. Nesıesiz, óz eńbegimen kásibin domalatyp otyrǵan janǵa shyǵarmashylyq tabystar tileımiz!
«Adyrna» ulttyq portaly
