Ақтаудың екінші шағын ауданындағы қонақүйлердің бірінің маңында қайыр сұрап тұрған қартқа ақша берген 10 жасар Сабина Кеңесбаева «Жыл меценаты» атанды, деп хабарлайды «Адырна» тілшісі.
Бұл марапатты «Қызық премия – 2020» жобасының ұжымы табыстады. Сондай-ақ, ұйымдастырушылар ақтаулық бүлдіршінге 500 мың теңге сыйақы берді.
«Мен ол кісіге ақша бердім, өйткені оның қарны ашқан шығар деп ойладым»,-деді ол журналистерге берген сұхбатында.Еске сала кетейік, өткен жылы үйсіз кісіге әмиянындағы бар ақшаны санап берген оқушы қыз көпшілікті тәнті еткен еді.
«Адырна» ұлттық порталы
