Қазақмыс Ұлытау облысындағы 7 адамның өліміне құлаған тау жыныстарының себеп болмағанын мәлімдеді, деп хабарлайды "Адырна" ұлттық порталы.
Құтқарушы бригаданың тау жыныстарының құлауы туралы ешқандай айғақ таппағаны анықталған.
«Біз үкіметтік комиссиямен және тергеу органдарымен тығыз байланыстамыз. Қауіпсіздік стандарттарына түзетулер де енгіземіз. Соңғы 3 жылда еңбекті қорғау үшін 87 млрд теңгеден астам қаржы бөлінді, ал биыл 38 млрд теңгенің көлемінде қаржы жоспарланған болатын», – деп мәлімдеді Қазақмыстың баспасөз қызметі.
Компанияның мәліметінше, қайтыс болғандардың денесі Жезқазған, Сәтбаев, Қарағанды және Түркістан облысында жақындарына табысталды. Олардың отбасына қаржылай көмекпен қатар, несиелері мен ипотекасын өтеу жоспарланып жатыр.
