Алматы әкімі Ерболат Досаев оның отставкаға кетуін талап еткен петиция туралы сұраққа ойын білдірді, - деп хабарлайды "Адырна" ұлттық порталы.
Алатау ауданының тұрғындарымен кездесуде бойжеткен мегаполис басшысынан қызметінен кету туралы өтінішке қалай қарайтынын сұрады.
Ерболат Досаев Алматыда 2,2 миллионнан астам адам тұрады деп жымиып жауап берді. Ал петицияға қол қойған 57 мың адамның арасында жалған адамдар болуы мүмкін, өйткені сайтта әкімнің айтуынша, дауыс бергендердің аты-жөні мен ЖСН жазылмаған.
«Мүмкін, бұл жерде бот-фермалдар жақсы жұмыс істеп жатқан шығар. Өйткені мен бұл петицияға қарап, ЖСН мен фамилиясын көрсетпегендердің бар екенін көрдім. Осы жерде көтерілген мәселелерге келсек, олардың орындалуын қадағалаймын. Біз тек уәде беріп қана қоймай, үлкен жұмыс жасаймыз. Бүгін адамдар әртүрлі мәселелермен келді: кейбіреулерінің шешілмеген сұрақтары бар, кейбіреулерінің мәселелері уақытында аяқталмаған. Бірақ мен қаланы күнделікті жаңа нәрсе болатын тірі механизм екенін атап өткім келеді. Әкім ретінде сіздің пікіріңіз мен үшін маңызды, бірақ менің жұмысыма Мемлекет басшысы баға беретін шығар», - деді Алматы әкімі.
