Пекин алғаш рет әлемдегі ең көп миллиардерлер саны бар қалаға айналды, деп хабарлайды "Адырна" ұлттық порталы Daily Mail сайтына сілтеме жасап.
Форбстың миллиардерлер тізіміне сәйкес, 2020 жылдың соңына қарай Пекинде 100 миллиардер өмір сүрді, бұл Нью-Йорктан да артық.
Бір жыл ішінде Қытай астанасында 33 жаңа миллиардер пайда болды. Ал Нью-Йоркте - барлығы 7. Сонымен бірге, Бейжіңнің халқы 21 миллион адамды құрайды, бұл 8,4 миллион халқы бар Нью-Йорктегіден 2,5 есе көп.
Бейжіңнің ең бай тұрғыны, TikTok әлеуметтік желісіне иелік ететін бас компания - ByteDance негізін қалаушы Чжан Йиминнің байлығы 35,6 миллиард доллар.
Нью-Йорктің бұрынғы мэрі Майкл Блумберг - 59 миллиард долларлық байлығымен өз қаласындағы ең бай адам. Әлемдегі ең көп миллиардерлері бар он қалаға Бейжіңнен басқа тағы төрт қытай қаласы кіреді. Сонымен, 80 бай адамы бар Гонконг үшінші орынға, Шэньчжэнь 68 миллиардерімен - бесінші, ал Шанхай 64 бай адаммен - алтыншы орынға ие болды. Тізімге енген АҚШ-тың жалғыз қаласы Сан-Франциско болды. Ол 48 миллиардермен сегізінші орында келдеі.
Америка Құрама Штаттарында әлемдегі кез-келген елге қарағанда миллиардерлер көп тұрады деп хабарланды. Ел 724 миллиардері бар көшбасшы болып қала береді. Қытай, оның ішінде Гонконг пен Макао, 698 миллиардермен екінші орында тұр.
Тізімнің келесі сатысында Үндістан 140, Германия 136 және Ресей 117 миллиардермен тұр. Бұған дейін әлемдегі ең бай адамдардың жылдық рейтингіне алты қазақстандық миллиардер енгізілген болатын. Сондай-ақ, Қазақстан ең бай адамдар санының өсуі бойынша алғашқы 8 елдің қатарына кірді.
"Адырна" ұлттық порталы
