9-16 наурыз аралығында Сербияның Ниш қаласында өткен әйелдер арасындағы бокстан әлем чемпионаты аяқталды. Қазақстан құрамасы 3 алтын, 2 күміс, 1 қола медаль еншілеп, жалпыкомандалық есепте екінші орын алды, деп хабарлайды «Адырна» тілшісі.
51 мемлекеттен келген үздік спортшылар қатысқан жарыста Назым Қызайбай, Алуа Балқыбекова, Аида Әбікеева ел қоржынына алтын медаль сыйлады. Ал Виктория Графеева мен Елдана Тәліпова күміс жүлдеге ие болса, Наталья Богданова қолаға қол жеткізді.
Айта кетейік, чемпион атанғандар 100 мың АҚШ долларын иеленсе, күміс жүлдегерлер 50 мың, қола жүлде иегерлері 25 мың доллардан алды.
