Mońǵolııadaǵy «Shyńǵys han» ulttyq mýzeıinde uly hannyń ordasy ashylyp, onyń aýmaǵyna hannyń altyn músini, aq týy jáne memlekettik hasbý móri ornatyldy. Bul týraly 1 naýryzda mońǵolııalyq «Moname» agenttigi jazdy, dep habarlaıdy «Adyrna» tilshisi.
Is-sharaǵa el prezıdenti ahıagıın Hýrelsýh, parlament tóraǵasy Dashzagvıın Amarbaıasgalan, premer-mınıstr Lývsannamsreın oıýn-Erden, sondaı-aq saıasatkerler men qoǵam qaıratkerleri qatysty.
Shyńǵys hannyń altyn músinin jasaý mádenıet, sport, týrızm jáne jastar isteri mınıstrligi, Mońǵolııanyń Ortalyq banki jáne Ulttyq murajaımen birlese otyryp júzege asyrylǵan. Uzyndyǵy 7 metr, al salmaǵy 120 keli eskertkish taza altynnan jasalǵan. Ol Shyńǵys hannyń uly Mońǵolııa memleketin qurǵanyn jarııalap, qolyna altyn memlekettik mórdi ustap turǵan tarıhı sátin beıneleıdi. Músinniń avtorlyq quqyǵy Mońǵolııa ulttyq bankine tıesili.
Prezıdent Hýrelsýh óz sózinde Shyńǵys hannyń mońǵoldar úshin ǵana emes, búkil álem úshin mańyzdy tulǵa ekenin atap ótti. Memleket basshysy músindi jasaýǵa qatysqan jáne osy jobany qoldaǵan barlyq janǵa alǵysyn bildirip, tabys tiledi.
