Almaty oblystyq №1 balalar úıiniń tárbıelenýshileri Qonaev qalasyna kóshirilmeıtin boldy. Bul týraly búgin, 3 naýryzda Bala quqyqtary jónindegi ýákil Dınara Zakıeva málimedi, dep habarlaıdy «Adyrna» tilshisi.
Aıtýynsha, bul sheshim balalar úıiniń tárbıelenýshileri men Almaty oblystyq ákimdigimen kezdesýi nátıjesinde shyǵarylǵan.
«Baǵanashyldaǵy balalar úıinde turyp jatqan balalar sol jerde qalatyn boldy. Jańa ǵımarat Núsipbaev atyndaǵy ınternattyń balalaryna beriledi. Buǵan deıin ol jaqtaǵy tárbıelenýshilerge jaǵdaı jasalmaǵanyn, bul ınternattaǵy qıyndyqtar týraly jazǵan edim»,—dedi ol.
Eske salaıyq, buǵan deıin №1 oblystyq balalar úıiniń tárbıelenýshileri mekeme Almatydan Qonaev qalasyna kóshirilip jatqanyna shaǵymdanǵan bolatyn. Olardyń úndeýi áleýmettik jelilerde paıda boldy.
