Taldyqorǵan qalasyndaǵy Nazarbaev Zııatkerlik mektebinde «Áke – otbasynyń dingegi» atty ákeler forýmy ótti.
Is-shara ákeniń otbasyndaǵy róli men óskeleń urpaqty tárbıeleýdiń mańyzdylyǵyn talqylaýǵa arnalǵan alańǵa aınaldy.
Ǵylymı zertteýler ákeniń balanyń ómirine belsendi qatysýy onyń emoıonaldy jáne áleýmettik damýyna oń áser etetindigin rastaıdy. Qoldaýshy ákeleri bar balalar joǵary akademııalyq jetistikterdi, ózine degen senimdilikti jáne stresske tózimdilikti jıi kórsetedi.
Forým aıasynda Ákeler úshin qarym-qatynas pen túsinistik daǵdylaryn damytýǵa baǵyttalǵan psıhologııalyq trenıngter ótkizildi. Qatysýshylar bir-biriniń armandaryn, maqsattary men tilekterin jaqsyraq bile aldy. Bul trenıngter ákelerdiń bedeldi ǵana emes, sonymen qatar balalary úshin naǵyz dos bola alýyna mańyzdy qadam boldy.
Forýmnyń qyzyqty sáti balalardyń ákelerine jazǵan hattaryn tabystaý boldy. Bul hattar súıispenshilik pen qurmettiń sımvoly retinde moıyndalady, sonymen qatar balalarǵa óz sezimderi men oılaryn bildirýge múmkindik beredi. Kóptegen ákeler jazylǵan sózderdiń shynaıylyǵy men tereńdigine áser etti.
Sondaı-aq, Ákeler men oqýshylar úshin belsendilik, sporttyq oıyndar uıymdastyryldy.
NIS-tegi Ákeler forýmy tájirıbe almasý orny ǵana emes, sonymen qatar otbasylyq qundylyqtardy nyǵaıtýdyń mańyzdy qadamy boldy.
