پاۆلوداردا ەر ادام كولىك ايداپ كەلە جاتقاندا قايتىس بولدى، دەپ حابارلايدى "ادىرنا" ۇلتتىق پورتالى.
ونىڭ جۇرەگى توقتاپ قالعان.
Pavlodarnews.kz مالىمەتىنشە، جازاتايىم وقيعا استانا مەن لەرمونتوۆ كوشەلەرىنىڭ قيىلىسىندا بولعان. كوشەدە كەتىپ بارا جاتقان كۋاگەرلەر كولىكتەردىڭ ءبىرى جول ورتاسىندا كىلت توقتاعانىن بايقاپ، دەرەۋ پوليتسياعا حابارلاعان.
"ەر ادام كولىك جۇرگىزىپ بارا جاتىپ كەنەت ەسىنەن تانىپ قالعان. الدىن الا بولجام بويىنشا جۇرەگى اۋىردى. جول-كولىك وقيعاسى بولعان جوق، جۇرگىزۋشى توقتاپ ۇلگەردى، ەشكىم زارداپ شەككەن جوق", - دەپ حابارلادى وبلىستىق پوليتسيا دەپارتامەنتى.
