Израильде үш автобус жарылды. Оқиға Тель-Авивтің оңтүстігіндегі Бат-Ям қаласында болды. Бұл туралы ВВС жазды, деп хабарлайды “Адырна” ұлттық порталы.
Ақпаратқа сәйкес, билік теракт болуы мүмкін деп тергеуде.
Алдын ала мәлімет бойынша, зардап шеккендер жоқ.
Сонымен қатар, тағы екі автобустан жарылғыш құрылғы табылған.
Израиль БАҚ-тары көлік министрі Мири Регевтің әрбір көлікте жарылғыш зат бар-жоғын тексеру үшін барлық автобустар мен теміржол қозғалысын тоқтатуға бұйрық бергенін хабарлады.
Полиция өкілі Ари Дорон 12-арнаға полицияның аймақты тексеруді жалғастырып жатқанын және жұртшылық кез келген күдікті пакеттер мен заттарға назар аударуға тиіс екенін айтты.
“Қуанышымызға орай лаңкестер таймерді дұрыс емес уақытқа орнатқан болуы мүмкін. Бірақ баға беруге әлі ерте”, деді ол.
Әлеуметтік желіде жарияланған кадрларда кем дегенде бір автобустың өртеніп жатқаны, одан түтін шыққанын көруге болады.
Жергілікті БАҚ-тың хабарлауынша, жарылмаған 5 келі ЖҚА-ның бірінде Израиль күштері жуырда лаңкестікке қарсы операция жүргізген Батыс Шерияда «Тулкарм үшін кек» деген жазу бар.
Қорғаныс министрі Исраэль Кац Батыс жағалаудағы босқындар лагерлеріндегі операциялардың «қарқындылығын арттыруға» бұйрық бергенін айтты.
Премьер-министр Биньямин Нетаньяху кеңсесі таратқан мәлімдемеде премьер-министрдің оқиға туралы хабардар етілгені айтылған.
Билік халықты Бат-Ямға бармауға және күдікті заттар табылған жағдайда қырағы болуға шақырады.
