استانادا تانىمال ساۋدا جەلىسىنىڭ سۋپەرماركەتتەرىندە كارتوپتى 5 كەلىدەن ارتىق ساتپايتىن شەكتەۋ ەنگىزىلدى، دەپ حابارلايدى "ادىرنا" ۇلتتىق پورتالى Tengrinews.kz پورتالىنا سىلتەمە جاساپ.
ەلوردانىڭ سۋپەرماركەتتەرىنىڭ بىرىندە كارتوپ ساتىلىمىنا بايلانىستى حابارلاندىرۋ پايدا بولا باستاعان. وندا ءبىر ادامعا ءبىرىنشى سورتتى كارتوپتى تەك 5 كەلىدەن ارتىق ساتىلمايتىنى كورسەتىلگەن.
بيلىك وقيعاعا پىكىر ءبىلدىردى. ەلوردانىڭ ينۆەستيتسيالار جانە كاسىپكەرلىكتى دامىتۋ باسقارماسى قالادا كارتوپ تاپشىلىعى جوق ەكەنىن جەتكىزدى.
"Small جانە Spar جەلىلەرىندە ءونىمدى كوتەرمە باعادا ساتىپ الۋدى بولدىرماۋ ءۇشىن كارتوپتى ساتۋعا ۋاقىتشا شەكتەۋ ەنگىزىلدى. مۇندا ءبىر ادامعا 5 كەلىدەن ارتىق ساتىلمايدى", - دەپ جاۋاپ بەردى باسقارما.
سونداي-اق، ساۋدا مينيسترلىگى ەلوردادا، جالپى قازاقستان بويىنشا كارتوپ تاپشىلىعى جوق دەگەنگە سەنىمدى.
