Шешенстанда ұшқышсыз аппараттардың шабуылдары зениттік «Панцирь-С1» кешендері орнатылғанына қарамастан бүгін де жалғасқан. Ресейдің әуе шабуылына қарсы қорғанысы бірнеше дронды атып түсіргенімен, әртүрлі аудандардан жарылыс туралы хабарламалар түсуде, деп хабарлайды "Адырна" ұлттық порталы ArbatMedia агенттігіне сілтеме жасап.
Шешенстанда ұшқышсыз аппараттардың шабуылдарына байланысты шиеленісті жағдай сақталуда. Шешенстанның Қауіпсіздік кеңесінің хатшысы Хамзат Қадыровтың айтуынша, ресейлік әуе шабуылына қарсы қорғаныс күштері бірнеше дронды атып түсірген.
Дегенмен, шешен оппозициялық телеграм-арналарында Гойты ауылы мен Шалин ауданы сияқты елді мекендерде жарылыстар туралы хабарламалар әлі де жариялануда.
Бұған дейін Грозный тұрғындары, әсіресе Карпинка ауданының тұрғындары, зениттік «Панцирь-С1» кешендерінің орналастырылғанын хабарлаған. Бұл шаралар жақында болған дрон шабуылынан кейін қабылданды. Олардың бірі ОМОН базасына тиген.
Украина дрондарының Шешенстанға мұндай шабуылы желтоқсан айының ортасында да жасалған.
