Алматы тумасы қатардағы жауынгер Дмитрий Казанцев, бүгінде Өскемендегі ҚР ІІМ Ұлттық ұланының "Шығыс" өңірлік қолбасшылығына қарасты 5518 әскери бөлімінде қызмет атқарып жүрген — жәй ғана әскери қызметші емес, нағыз альпинист. Бұл жас жігіт Үлкен Алматы шыңы, Астана шыңы сияқты белгілі шыңдарды, сондай-ақ Қазақстанның ең қиын және биік нүктелерінің бірі — Хан Тәңірі шыңын бағындырып үлгерген.
Дмитрийдің тауға деген қызығушылығы студенттік жылдары пайда болған. Сол жылдары ол Алатау жоталарына көтеріле бастады, бертін келе альпинизм дағдыларын біртіндеп жетілдіріп, барған сайын күрделі сынақтарға дайындала түсті.
"Мен үшін тау шыңдарына шығу —жай ғана спорт емес, өз ойымды білдіру және мүмкіндіктерімді тексеру тәсілі", — дейді ол.
Алайда, әскерде қызмет ету уақыты келгенде, Дмитрий өзінің бұрынғы хоббиін тастаған жоқ. Оның айтуынша, әскери тәртіп пен дене шынықтыру оған тек жақсы жағынан әсер етіп, бұрынғыдан да күшті болуға көмектесті.
Ол өзінің альпинистік тәжірибесінің ең ұмытылмас сәттерінің бірі ретінде Хан Тәңірі шыңына көтерілуін атайды. "Біз салмағы 40 келі болатын рюкзакпен көтеріліп, қар мен тастарды басып өттік. Әр өрмелеу кезінде тау шыңдарына деген құмарлығым арта түсті. Биіктікке көтерілу және кедергілерді жеңу өміріме мотивация берді. Ендігі мақсатым — Гималай тауында орналасқан сегіз мың метр биіктіктегі мұз шыңдарын бағындыру", - дейді қарапайым Казанцев.
Мерзімді қызмет сәтті аяқталғаннан кейін Дмитрий Ұлттық ұлан қатарында қалу туралы шешім қабылдады және әскери қызметті жалғастыру туралы келісімшартқа қол қойды. Қазір ол Өскемен қаласының қоғамдық қауіпсіздікті қамтамасыз етеді және жұмыспен қамтылғанына қарамастан, жаңа альпинистік экспедицияларды дайындауды жалғастыруда.
— Әскердегі қызмет маған көп нәрсені үйретті: тәртіп, жауапкершілік, қиын жағдайларда тез шешім қабылдау қабілеті. Мұның бәрі маған тауда өте пайдалы болды,
болашақта да игілігін беретініне сенімдімін, — дейді ол.
Қарапайым Казанцев үшін шыңдарды бағындыру жай хобби емес. Бұл өмір философиясы, ол өзіне және басқаларға мүмкін емес ештеңе жоқ екенін дәлелдеу үшін таңдаған жолы. Әрбір жаңа өрлеу — өзін-өзі сынау, жақсырақ және күштірек болу, табиғи кедергілерді ғана емес, сонымен бірге ішкі қорқыныш пен күмәнді жеңу мүмкіндігі.
Оның жоспарында Гималай шыңдарына көтерілу бар, оны бағындыру әркімнің қолынан келе бермейді. Бірақ осы жас альпинистің табандылығы мен шешімділігіне қарап, күмән болмайды: Дмитрий Казанцев тауларда да, қызметте де өзінің жетістіктерімен әлі талай таң қалдырары сөзсіз.
