Әскерде борышын өтеп жүріп, басынан жарақат алған сарбаздың жағдайы қазақ елін алаңдатты. Мүгедек болып қалған Ербаян Мұхтарға арнайы қор ашылып, қомақты қаржы жиналды, деп хабарлайды "Адырна" ұлттық порталы.
Қазақстандықтар сарбазға 227 миллион теңге жинап берді.
"26 тамызға Ербаян ЭКГ, өкпе рентгенографиясына жазылды. Ербаян ұзақ уақыт төсекте жатқандықтан оның арқасына салмақ түсуі мүмкін. Сондықтан іркілістік пневмония бар-жоғын тексеру керек. Қазіргі таңда ең бастысы - Ербаянның ұзақ уақыт ұшуға дайын болуы керек. Ертең Германия елшілігіне барып, олар қалай көмектесе алатынын сұраймыз, себебі Ербаянды Германияда емдеу қажет деп шештік", - делінген Ербаян Мұхтардың атына ашылған парақшада.
