Боксшы Жаңқош Тұраров "зорлық жасады" деген айыпқа қатысты тағы да пікір білдірді, деп хабарлайды "Адырна" ұлттық порталы.
Боксшы жақын арада әділдіктің орнайтынына сенімді екенін айтады. Ал спортшының адвокаты журналистерге арнап баспасөз конференциясын өткізетінін хабарлады.
"Ассалаумағалейкүм, ағайын, қалайсыздар? Маған қатысты сұхбат беріп жатқан адамның лайлы әңгімелері мүлдем қызық емес. Менің өмірлік ұстанымдарым, мақсаттарым мүлде басқа. Ақиқат орнайтынына сенімдімін. Соған байланысты менің заңды адвокатым баспасөз конференциясын өткізетін болып шешті", - деді боксшы.
21 тамыз күні желіде "Жанқош Тұраров қыз зорлады" деген ақпарат тараған болатын. Алматы Полиция департаментінің баспасөз қызметі қылмыстық іс қозғалып, сараптама тағайындалғанын хабарлады.
