АҚШ-тың бұрынғы президенті Барак Обама мен бұрынғы бірінші ханым Мишель Обама президенттікке үміткер Камала Харристі қолдайтындарын білдірді. Бұл туралы euronews.com жазды, деп хабарлайды “Адырна” ұлттық порталы.
Ақпаратқа сәйкес, Харрис 26 шілде күні таңертең АҚШ-тың ең танымал екі демократынан телефон арқылы қолдау алғаны туралы бейнежазба жарияланды.
«Біз Мишель екеуіміз сізді қолдайтынымызды және сізді осы сайлаудан өтуге және Ақ үйге жетуге көмектесетінімізді айту үшін қоңырау шалдық», - деді бұрынғы президент Харриске телефон арқылы.
«Мен сенімен мақтанамын. Бұл тарихи оқиға болады», - деді Мишель Обама..
Ал Харрис жауап ретінде 2008 жылы басталған достық үшін оларға алғыс білдірді.
