105 жастағы қарт әйел 83 жылдан кейінСтэнфорд университетінен магистр дәрежесін алды, деп хабарлайды “Адырна” ұлттық порталы.
Америкалық Вирджиния Хислоп 105 жасында білім саласындағы магистр дәрежесін алды. Бұл Стэнфорд университетінен кеткеніне 83 жыл өткен соң орын алды.
Вирджиния университетте оқуын 1936 жылы бастаған. Ол бакалавр дәрежесін сәтті аяқтап, бірден магистратураға түскен. Бірақ оның күйеуі екінші дүниежүзілік соғыс кезінде әскери қызметке шақырылған соң университетке баруды тоқтатқан. Бірақ ол тек магистрлік диссертациясын аяқтауы керек еді.
Соғыстан кейін Вирджиния күйеуімен және екі баласымен Вашингтондағы Якима қаласына қоныстанады. Отбасылық міндеттемелеріне қарамастан, Хислоп білімге құмар болды, колледж директоры болып жұмыс істеді, ондаған жылдар бойы мектеп пен колледж кеңестерінде қызмет етті және Якима алқабында, Вашингтонда жаңа мектептер ашу үшін қаражат жинады, онда ол күйеуімен бірге қоныстанды.
83 жыл өткен соң университет басшылығы оған диплом алу үшін соңғы диссертациясын қорғаудың қажеті жоқ екенін айтады.
Хислопқа магистратураның дипломын Жоғары білім беру мектебінің деканы Дэниел Шварц табыс етті.
«Бізде енді диссертацияға қойылатын талаптар жоқ, сондықтан ол өнер магистріне қойылатын талаптарды қанағаттандырды. Сексен үш жыл өткен соң, біз көп нәрсе жасаған әйелді құрметтейміз», деді ол.
Хислоп таяқтың көмегімен сахнаға шығып, дипломын алып, ризашылығын білдірді.
«Мен мұны көп күттім», деді ол.
