Жоғарғы сот судьясы Нұрлан Сұлтанов қызметінен босатылды, деп хабарлайды “Адырна” ұлттық порталы.
«Құрметті депутаттар, сіздерден Нұрлан Қадыржанұлы Сұлтановты отставкаға кетуіне байланысты Жоғарғы Соттың судьясы қызметінен босату туралы Мемлекет басшысының ұсынысын қолдауыңызды сұраймын», - деді Жоғарғы Сот Кеңесінің Төрағасы Денис Шипп Сенаттың жалпы отырысында.
Сондай-ақ, Сұлтановтың құрметті зейнеткерлікке шығуды қалайтынын қосты. Ол 2015 жылдан бері Жоғарғы Соттың судьясы қызметін атқарды.
