Бүгін таңертең Израиль Иранға зымыранмен шабуыл жасады, деп хабарлайды «Адырна» тілшісі ABC News-ке сілтеме жасап.
Fars агенттігінің мәліметінше, жарылыс Исфахан әуежайы мен Иранның 8-ші әскери-әуе күштері базасына жақын жерде болған.
Иран билігінің бұйрығымен Тегеран, Исфахан және Шираз қалалары бойынша әуе рейстері тоқтатылды.
Еске салайық, 13 сәуірден 14 сәуірге қараған түні Иран Израильге дрон және қанатты зымырандармен соққы жасаған еді.
